牛摩+ (上水廣場) (已結業)

成日經過牛摩都聞到好香火鍋味,但又未試過,今次就入去試下。今次叫左極盛和牛雜錦套餐,湯底簡左長野蘋果湯同博多美人骨膠原啫喱雞白湯。長野蘋果個湯底比較特別,好香蘋果味。煮耐d會再出蘋果味d，呢個湯底係甜甜地 ,落海鮮唔錯,另海鮮食落鮮甜。另外一個博多美人骨膠原啫喱雞白湯都好好味，好香濃，落肉類好襯。呢個定量包括左日本和牛120g,美國和牛120g,美國牛小排120g,黑毛豬120g。日本和牛食落好滑身，好香牛味，油脂分怖平均。美國和牛都一樣唔錯 都係滑身，肉質鮮嫩，牛小排冇前2款咁滑身，但都係好鮮嫩。黑毛豬都意外好好食好滑。另外仲有海鮮拼盤，有海蝦,帆立貝,青口同魷魚仔。海鮮都好新鮮，魷魚仔好滑好軟冧，帆立貝大大隻,蝦都鮮甜。呢到既自助個邊款式都多，蔬菜類都好幾款，菜類新鮮。丸類唔係平時出面買個d,食落都好彈牙。另外都有麵類。不過太飽就冇試。另外水吧飲品種類多,有沙冰。沙冰2款味都好飲,仲有茶包,熱水等等。另外仲有個飲品櫃有大量飲品。甜品區都唔錯，有一款都好特別 啫喱彈牙質地， 濃黑糖味入面包左紅豆。呢個我都未食過,可以一試。另外都試埋佢既雪糕，自己整又多配料，玩味十足,岩哂小朋友。牛摩