33
0
2
所有分店 (6)
電話號碼
39984630
營業時間
今日營業
12:00 - 22:30
星期一至五
12:00 - 22:30
星期六至日
11:30 - 22:30
付款方式
Visa Master AlipayHK 支付寶 現金 八達通 OpenRice Pay
座位數目
40
其他資料
酒精飲品
電話訂座 詳細介紹
外賣服務
加一服務費
當面支付
食評 (36)
等級4 2021-12-06
2461 瀏覽
今日係上水做完野,辛苦左成日,想食番啲好野,加埋呢幾日凍左好多,都想打番個邊爐,發現附近就正正有間牛摩,所以就衝去打邊爐啦😍😍😍今次就簡左美國極上和牛set,湯底就俾特濃港式沙嗲鍋吸引左,而另一款就簡左鏗魚昆布清湯,簡好之後我地就就可以量體溫,填紙仔就入座啦😊坐低幾分鐘,兩個鍋就送左黎!! 和牛、牛舌、豬、雞肉,都跟左湯底一齊送左過黎,呢啲都係之後可以再嗌既,速度一流。加埋我地今次係食90分鐘既,梗係要密密食,食快啲啦😳碟牛真係有驚喜🍲🥩🥩樣靚,食落都正,一啲都唔韌,配埋個特濃沙嗲沙,正,沙有好多花生碎,又夠濃味,仲有個位要讚既係之後再嗌左第2,3碟,都係一樣咁靚,唔似出邊有時打邊爐得第一碟牛係靚,之後就會走樣。而其他既肉類都唔錯,覺得個沙嗲沙底有為啲野食加左分。🍲食完第一輪肉,都出左去拎丸同菜,款式都多,想要既都會有,🌽🥬🥒🥦菜都有4-5款,少見啲既羽衣甘藍都有,丸都好似差唔多十款,都算多野食,野飲都係算多選擇,除左平時個啲野飲,仲有兩款沙冰,味道都唔錯,有興趣可以試下。拎完野就番位密密食啦,靚牛就係好好食,再食多啲。食到尾聲就出左去拎啲泡芙同雪糕🍦🍦🍦劃番個完美既句號,呢一餐$290左右,都覺得好滿意,唔算貴! 繼續閱讀
(以上食評乃用戶個人意見 , 並不代表OpenRice之觀點。)
等級3 2022-05-13
0 瀏覽
終於有返晚市堂食,梗係同老婆去食餐好!點咗新meun【 5%稀有 三筋肉‧海の幸放題】,90分鐘任食 13 品美食(美國三筋肉、精選牛肉、特級牛肉、牛舌、黑豚肉、豚肉、雞肉、花膠、 鴨血、墨魚滑、帆立貝、海蝦、墨魚仔)連自助放題區。自助放題區嘅選擇都幾多,有蔬菜、雜丸、壽司、小食、甜品同飲品。三筋肉之所以叫「三筋肉」,係因為肉面、肉底同肉中間都分別有一條薄薄的筋膜;三筋肉係牛肩胛後部分嘅肉,因為活動量較少所以脂肪含量會較高。食落口感軟腍嫩滑,值得encore精選牛肉、特級牛肉兩份都好食,肥瘦適中、夠腍身、有牛味,肉質完勝坊間火鍋店嘅肥牛。黑豚肉本身嚟到都係諗住喪食牛肉,點知啲豚肉都好有驚喜!肉嫩帶甜,一啲都唔韌整體上牛摩+嘅食材都幾新鮮,質素又夠穩定,而且環境乾淨企理,適合同家人朋友嚟淥一淥。 繼續閱讀
(以上食評乃用戶個人意見 , 並不代表OpenRice之觀點。)
等級3 2022-05-04
0 瀏覽
牛摩+門口裝修得好靚,入去食就好似去左日本咁叫左新出嘅「5%稀有三筋肉‧海の幸 90分鐘放題」,呢個餐新到連個系統都未setup 好,連埋任食 13 品美食及自助放題區!.登登~呢碟係三筋肉食左一舊已經被俾嚇親,真係好好味,牛中間有條筋,而且條筋好爽,即刻有筋都唔會靭,而且有牛味,打邊爐超級正,極推薦大家食呢個餐!成個餐第二好味嘅,就係美國極上黑豚肉,豬肉即刻淥耐左就好唔會鞋,仲好爽好有香肉味,大推大推!除左肉類,外面嘅自取區有唔少菜同高質素嘅丸、腸仔同魚柳,平時有食開麻吉燒嘅話,一定要試呢度嘅麻吉燒,超級高質素,入面舊年糕都係有味同煙靭!隔離有埋熟食同甜品,有壽司、螺肉同中華沙律,甜品就推介有塊假葉包住嘅紅豆西米糕,即使好飽都食左2舊( ´▽`)飲品都有好多選擇,有唔少平時好少見嘅韓國飲品,食甜品加埋latte 一流! 繼續閱讀
(以上食評乃用戶個人意見 , 並不代表OpenRice之觀點。)
等級1 2022-04-29
191 瀏覽
今日夜晚走咗去食上水呢間牛摩,我阿媽本來好想食最靚嗰隻牛肉,但因為我同我細妹都唔食牛,我亦都知道舖頭有個規定一定要分開坐,所以我哋都陪埋阿媽一齊食牛肉,然後我哋揀係中價嘅套餐,三位食咗$1040 ,差不多為到$350一個人。我媽說牛肉還不錯,我不吃所以不敢評論。但那些所謂的美國黑豚肉簡直不知所謂,這樣的價錢吃這樣的肉,又鞋,我倒不如自己買回家吃好過,另外他們醬汁的配料真的不敢恭維,那些火鍋豉油淡如水。真心不會再有下一次。那些職員還拿那些普通的豚肉敷衍我們,幸好我們也有吃開所以知道他比錯我哋。放題都不能求有什麼好的嘢食,但估不到三百幾蚊一個人都吃得不好,不會再有下一次一定。 繼續閱讀
(以上食評乃用戶個人意見 , 並不代表OpenRice之觀點。)
等級1 2022-03-03
478 瀏覽
我在上水咁耐,都未食過上水區的自助放題餐廳,有一日在上水廣場行街,離遠望到牛魔+,看到裝潢頗亮留下一個印象,日前在家中不舒服,幾日都是食公仔麵等,沒有煮飯,想到上水牛魔+,想醫下肚,幾日沒有食野,食餐勁既,又在網上看看營業時間,滿懷心情在鄰近12點鐘,坐小巴出去上水廣場,直踩廣場5樓,以為有好野,到店order一個套餐259蚊中要加一,到位置又細又局,轉手都轉不到,坐下食野幾下牛卷下肚已感不舒服,不知道是不是食物不乾淨,但是已經坐呆,不食等於簁,又咁貴,忍住食落去,服務員態度又差,叫巨不多肯反應。牛魔湯底又油又膩,食物質素又差,不衛生,我從餐廳走出來在商場去了兩次廁所,回到家中又去了一次,從來沒有食過咁低素質的火鍋,看到張單埋單要285蚊,如果不是幾位啊姐夾住,我當場想不比錢走人,肚子鬧得厲害,嚴重差評,呼籲大家不要去, 繼續閱讀
(以上食評乃用戶個人意見 , 並不代表OpenRice之觀點。)