鮨廷 (已結業)

新年快樂， 2019年第一餐就係食我哋最愛嘅立食壽司店，其實之前已經嚟過好多次，食到連個壽司師傅都認得我地。哈哈哈哈我哋通常都係下晝時間先去食，因為會冇咁多人，唔想排咁耐。唔使排隊一入就有得食。佢有個lunch set有六件八件同十件揀，我哋通常都會叫六件然後再散叫。首先，佢個三文魚真係好好食!!!真係好新鮮，及得上日本壽司師傅會喺面淋左豉油先再好正宗咁落wasabi喺中間。之後再試左火炙三文魚，點知竟然仲正！有入口即溶嘅感覺。帶子其實跟餐叫因為個價錢貴啲，正常size唔好期望特別大粒。蟹肉蟹膏壽司都好好食，蟹膏好濃味但係啲蟹肉海水味比較重，似係急凍同有啲鞋。Overall嚟講其實係好食嘅因為個蟹膏搭救。