一瀧 (已結業)

近期好多朋友去日本瘋狂洗版搞到我心郁郁，朋友見我咁就帶我去咗位於銅鑼灣嘅一瀧， 瞬間去咗江户時代😝一入去就見到個裝修非常日式江户時代風格，一條長長走廊，配日式趟門嘅房間~今次就安排坐係榻榻米☺ 氛圍感十足！餐廳由2 大日本主廚主理，而食材大量都係嚟自日本各地特色食材！前菜就叫咗個枝豆，好岩邊傾邊食，等上菜就剛好！小食就叫咗一夜干燒雞翼，外脆內嫩，雖外層烤至微燻，內裏肉質仲可保持juicy ~最先上係料理長時令刺身，賣相極為精緻，食齊最鮮刺身，中拖羅、牡丹蝦、帆立貝、池魚等，牡丹蝦極為大隻，鮮甜軟滑，中拖羅色澤粉紅，油脂甘香，用料新鮮！料理長時令壽司，上菜時不敢『嘩』一聲，金色輝煌匙羹放上海膽、三文魚籽、魚籽醬同拖羅壽司，上面仲有啲金箔點綴，精緻高雅！海膽同拖羅互不搶味，鮮嫩濃郁~口感軟滑，慢慢溶化😋好想再食！！另外，仲叫咗A4宮崎和牛壽喜燒+ 綿花糖，打卡點十足😝宮崎和牛連續3 年奪和牛奥運冠軍果然名不虛傳， 紅肉及脂肪的霜降比例均勻，沾雞蛋醬更為嫩滑，牛味香濃，之後再品嘗壽喜燒，味道香濃帶甜甜地，配埋烏冬就會更完美😝一瀧🤎銅鑼灣登龍街1號金朝陽中心2期Midtown 8樓