306
7
5
港鐵銅鑼灣站 B 出口, 步行約3分鐘
繼續閱讀
電話號碼
66333116
營業時間
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關餐廳
有關獎賞計劃
食家推介
相關文章
又到我嘅生日月， 閨密話同我食好西，就帶咗我嚟位於銅鑼灣嘅一瀧。原來呢間日式餐廳都相當特色，環境仲好有日本風情。一到埗職員就帶我哋進入呢個榻榻米座位，朋友仲話要一早預訂先有得坐。雖然環境都屬於中上檔次，但呢度食物價錢又唔算貴。前菜我哋揀咗牛油果赤身他他，牛油果🥑嘅軟滑配上吞拿魚赤身嘅微彈口感，令人忍不住一口一口咁樣食落去。最近特別鍾意食蛋類製品，所以就揀咗明太子玉子燒，玉子保持應有嘅濕潤，明太子份量不多不少，配合蛋香簡直天衣無縫。朋友最鍾意食蔥，所以二話不說就點選呢個赤身大蔥卷，蔥粒混入咗喺吞拿魚蓉入面，味道唔算太強烈，但帶來不一樣的口感，不嗜蔥嘅我都感到相當驚喜。另外我哋仲揀咗芝士吉列黑豚卷，深藏之內嘅吉列黑豚仍然保持香脆，配合芝士同沙律醬味道一流。鹽燒A4和牛串嘅價錢，原本令我有點卻步，不過朋友誠意推介，一食之下真係覺得好感動，鬆軟嘅肉質帶有滿滿嘅肉味，真不愧為A4和牛。平時嘅西京燒通常都係配比目魚、銀鱈魚之類，而呢個佐賀金星豚西京味噌燒就係配上豚腩肉，雖然係以腩肉製造，不過經過燒烤之後，就再無油膩感，反而變得份外甘香，配搭新穎有驚喜。我最鍾意食雞軟骨，估唔到呢度嘅雞軟骨係原條骹位嘅串燒，鹽燒過嘅雞軟骨脆卜卜，同樣充滿驚喜。月見免治雞肉棒雖然係免治雞肉，但口感結實，完全唔會鬆散，配合日本蛋同醬油混合而成嘅醬汁，真係有點衝動叫碗白飯。蟹味噌甲羅燒係蟹膏、蟹肉、蟹籽，配合葱花混合而成，厚厚一層搽上多士之上，確係相當美味。最後我哋仲點咗一個 鰹魚濃湯日本野菜豆腐鍋，魚湯呈奶白色，豆腐有微微燒過，配合青菜、金菇、冬菇等配菜，為呢一餐畫上一個完美嘅句號。
繼續閱讀
呢間喺銅鑼灣嘅一瀧 裝修以日本江戶時代作主題 仲有紅葉庭園🍁好有feel好靚~ 好似去咗個小旅行咁✈️ 而且餐廳有兩位日本福岡師傅食物味道有保證👨🏻🍳👨🏻🍳🇯🇵✻ A4宮崎和牛壽喜燒 120g（2人前) HKD488 棉花糖+HKD40有3大塊鹿兒島出產嘅A4宮崎和牛！用紅酒餵食和牛 肉味特別香濃 牛肉紋花好平均好靚❤️ 點蛋漿一齊食好好味😋 入口即溶～加咗棉花糖除咗賣相更加特別之外 仲令到湯底更加甜🥰另外亦都有唔少配料 例如冬菇 娃娃菜 金菇等等～～✻北海道海膽魚子伴松葉蟹肉 HKD198盛皿好靚！仲有金箔做裝飾好精緻✨真係有好多松葉蟹肉啖啖蟹肉🦀上面鋪滿鮮甜海膽 三文魚籽同魚子醬 口感好豐富(ˊᵕˋ) 而且完全唔會腥！✻蟹味噲甲羅燒（磯燒）HKD88甲羅燒有好多蟹膏 味道好香濃 配埋鵪鶉蛋 香蔥同三文魚籽好match! 再放上烘過嘅多士上面一齊食好好食🤤✻手釣魷魚筒 HKD118魷魚筒好新鮮同埋好大隻！口感彈牙😚 燒到啱啱好非常惹味～✻ 芝士吉烈豚肉卷 HKD108 黑豚卷炸到外脆內嫩又juicy 配埋芝士口感豐富🧀 ✻ ICHITAKI Signature Mocktail （G.H.L）HKD58好有泰國東南亞風味嘅一杯Mocktail有Ginger Fresh Lemon🍋Honey🍯等等～檸檬草同薑味偏重 酒味都算比較濃 賣相有啲似個菠蘿咁好cute😆🍍
繼續閱讀
日本料理為主，一瀧令你瞬間穿日本江戶時代，餐廳裝修以江戶時代風格同木質為主，紅葉🍁庭園設計好靚，而餐廳由兩位日本福岡總廚坐陣打造出各款料理🤌🏻A4宮崎和牛壽喜燒 120g（2人前)Miyazaki A4 Wagyu套餐有3大片A4宮崎和牛，餐廳介紹用上鹿兒島出產嘅A4宮崎和牛，而飼有加紅酒🤣令肉味更加香濃，而牛肉紋花好靚😎脂肪比例都高，再用甜醬油煮到半熟後點上深橙色蛋漿😛食落肉味香濃肉質嫩滑，有入口即溶感覺，配料仲有冬菇、娃娃菜、金菇等，所有配菜加呢個濃湯🍲都好好食🤤最特別係我地加咗棉花糖，咁嘅組合都係第一次食，令到湯底更加甜😚🤌🏻北海道海膽魚子伴松葉蟹肉成個好豐富，最底係蟹肉加上面鋪滿海膽，再配有三文魚籽，魚子醬、金箔做點綴好精緻，而味道亦係啖啖新鮮，海膽味十足😎海水味濃，蟹肉一絲絲好鮮甜，最後將所有嘢撈埋一齊食，口感又去到另一個層次🤣三文魚籽完全唔腥，仲有淡淡嘅柚子香🤌🏻蟹味噲甲羅燒（磯燒）甲羅燒有鵪鶉蛋、香蔥調味，仲有三文魚籽😚蟹膏配上烘多士好好食，蟹膏味香濃加埋魚籽嘅脆口感好滋味，不過多士可以再脆啲就更完美🤌🏻手鈞魷魚筒好新鮮好大隻，加上秘製醬汁令到本身冇乜味嘅魷魚好惹味😛肉質彈牙🤌🏻 芝士吉烈豚肉卷 黑豚卷份量都幾多，豚肉炸到外皮香脆再配上嫩滑豚肉，口感豐富🤌🏻ICHITAKI Signature Mocktail （G.H.L）好有泰國東南亞☘️味道，入面主要有Ginger，Fresh Lemon，Honey同Ginger Ale，檸檬草同薑味都好重，感覺好清新🌴🚩 一瀧 (銅鑼灣)銅鑼灣登龍街1號金朝陽中心2期Midtown 8樓#addifoodie #addifoodie銅鑼灣#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫 #江戶時代 #福岡料理
繼續閱讀
來到520當然要推薦一間環境好靚好日式，充滿江戶時代風格既餐廳😌😍唔講唔知原來餐廳係由兩位日本福岡師傅主理，仿如置身係日本一樣🇯🇵-🎈日本海膽配火灸A4宮崎和牛壽司 $188 最欣賞最有驚喜係呢款❤️頂層係滿滿既海膽配上金箔，非常鮮甜，而外層用上火灸A4宮崎和牛包住，經火灸後食落去一啲都唔生，仲顯得牛肉味好濃郁，做到入口即溶既效果🤭💫-🎈鮪三味特盛 $368特盛包括赤身、中拖羅同大拖羅各兩片～個人覺得呢度既中拖羅比大拖羅更出色！油脂滿溢，好有口感🤤反而大拖羅比較多筋，有少少失望🥹-🎈磯燒並盛6款 $496我同朋友見到隔離枱有得玩又有得燒好似好開心咁所以就叫左嘻～呢個set包括六款海鮮，分別有蘇格蘭聖子皇、北海道活帆立貝、北海道真粒貝、活海蝦、北海道活北寄貝和紐西蘭象拔蚌～一黎到見到成盤海鮮都咁新鮮真係好開心🙆🏻♀️😝不過要留意係因為要自己親手燒所以要掌控好個火候(好尷尬係我地成日都唔知究竟熟未🤣，所以經常要麻煩個店員幫我地手睇下)～-🎈Bubble Iced Tea $88之前見出面好多餐廳都有類似呢款勁打卡既Bubble Iced Tea，但真係從未飲過🥹所以望住店員製作既過程真係好治癒😌飲落去感覺比較似濃縮左既蜜桃汁，散發住陣陣既蜜桃味～-🎈一瀧布甸 $38呢個透明玻璃呈出奇蛋形狀既布甸🍮真係極度得意😳其實就好似迷你版既焦糖燉蛋，上面燒焦左既焦糖真係好吸引！而個🍮好滑溜，蛋香味十足，推薦要試喔，作為飯後甜品真係好圓滿🥰-🔸一瀧📍銅鑼灣登龍街1號金朝陽中心2期Midtown 8樓
繼續閱讀
最近好想去日本旅行，但係機票實在有啲貴🥲🥲 唔緊要啦～我都特登去左之前bookmark左嘅日本餐廳食下飯～扮住去左日本先🤣呢間日本餐廳嘅裝修真係好日式😍又有櫻花樹，又有榻榻米!同埋係由兩位日本福岡師傅主理嘅～難怪真係咁還原日本啦🤣 鍾意影相嘅你有機會會影喺度影爆個album哦😆🌟🐮日本海膽配火灸A4宮崎和牛壽司 $188我想講呢個真係必食！😍 呢個價錢完全值得～真心食過返尋味想再食～首先有好靚嘅金箔喺上邊，盡顯矜貴😂 然後啲海膽都好新鮮，完全冇腥臭味，剩係得鮮味！然後和牛個質地非常嫩滑，雖然係生同埋唔似他他咁有調味，但佢本身自身個牛肉味已經好出，而且入口即浴咁～同海膽超match!😚質素完全拍得住真係去左日本會食到嘅野🥰🐟鮪三味特盛 $368呢個價錢三款拖羅都真係幾抵～ 平時我都麻麻哋吞拿魚～但係呢款拖羅，就算係赤身，都真係一啲唔好食嘅感覺都冇～完全唔腥同埋質地比較結實！三款入面我覺得中拖係味道同口感都最正～😆脂肪比例較高同埋口感好soft同埋味道好鮮甜～大拖都好味，不過就比赤身同中拖較為有口感，因為比較多筋~同埋比赤身中拖較重魚油味～🔥磯燒並盛六款 $496呢個好似係新Menu黎😳 我係見到隔離啲人叫就叫左😂因為覺得有個爐仔俾自己燒，好得意咁🤣 我哋就叫咗六款海鮮，有蘇格蘭蟶子皇、北海道活帆立貝、北海道真粒貝、活海蝦、北海道活活北寄貝同埋紐西蘭象拔蚌～所有食材都好新鮮同高質，都係完全冇腥臭味🥰 而且肉質真係好彈牙爽口～北海道活帆立貝真係超大粒，我諗有我成個手掌心咁大😆🍮一瀧布甸 $38呢個布甸都好滑嘟嘟😆雞味都重～不過質地就好似比普通布甸凝固少少～ 所以係有啲彈性嘅😆佢上面嗰層焦糖燒得好好食😋 同埋用呢個玻璃雞蛋殼裝真係好得意😍🫧Bubble Iced Tea $88呢個都好IGable~因為上邊又有氣泡🥰 蜜桃味超濃，我諗有少少cover左茶味🙈感覺就好似飲緊鮮榨蜜桃汁咁樣～Overall我覺得呢間餐廳真係好高質啊～真係比我有一種去咗日本食嘢嘅感覺～而且佢裝修又好江戶時代咁樣😆 之前見到我朋友啲story都係去日本食呢啲，但我喺香港就食到啦～真係唔洗嘥錢去日本了～最重要係，真係有啲想再encore佢個和牛壽司🥰等我默默放去encore list度先😚
繼續閱讀