元気寿司 (創紀之城五期(apm))

營業中

休息中

今日去apm 行街，本身打算食kfc,咁岩就裝修緊，咁就決定食元氣，之前係呢度食過一次，覺得都ok,重點係佢個高速線又方便又得意。今日坐係中間位，見到其他人既送餐，未點經已非常肚餓🤤用ipad點餐，出餐都幾快～我每次都會叫既日式燉蛋（茶碗蒸），皆因好鐘意食蛋，而且味道唔差，滑嘟嘟牛油果軟殼蟹卷～其實呢間所有嘅飯粒都唔錯，餡料方面就正正常常..燒三文魚～燒得岩岩好肉質嫩滑，都新鮮..油甘魚壽司～新鮮，而且油香的..左口魚裙邊壽司～幾好，不過本人覺得食一件就夠，皆因左口魚裙邊好膩下..另外一款唔記得名，有d柚子胡椒醬，其實都唔差，肉質軟淋，帶少少皮有口感，不過唔食得腥會差dd..我就覺得ok既～甜蝦同三文魚壽司都普普通通，今日個赤貝壽司就差少少唔夠鮮🤔長鰭吞拿魚刺身～覺得幾驚喜，樣貌一般，但食落入口即溶，新鮮同甜，估唔到係元氣有呢d食😯