影片
更多
2022-09-07
17 瀏覽
美孚居民真係好幸福，居然有咁高質嘅omakase舖頭喺樓下，想食隨時可以食到，好羨慕。時令前菜三點:日本白梅貝，勁大隻螺，勁彈牙，加味噌醬食，好夾。松葉蟹肉豆腐，加入七色芝麻，我覺得豆腐本身已經有蟹味。水雲，醋嘅酸味真係好正，刺激味蕾，開一開胃。刺身7款:仙鳳趾生蠔，青檸啫喱，紫蘇花，勁大隻，好肥美，一啖係食唔晒㗎，要分兩啖。蠔味都幾重，好正。鮫鰈魚刺身，可以加柚子醋食，魚肉有咬口，帶有微微香味。日本嚮螺，勁彈牙，好鮮甜，點少少豉油同Wasabi已經好好味。深海池魚，因為厚切，池魚嘅獨特香味好出，口感實正。燒拖羅，油份重到，入口即化，香到，食完仲有牧丹蝦，上面加咗蝦膏，蝦膏嘅香味加埋蝦本身嘅鮮甜，正。煙燻鰹魚，好香呀，影完相都有煙燻嘅味，下面嘅汁有少少甜味，撈埋嘅海帶食，好好味。壽司5款新鮮北極貝，果然好新鮮，彈牙又鮮甜，唔需要任何調味。小肌魚，外型同味道都似秋刀，不過口感冇實，軟滑啲。醬油漬赤身，勁粉嫩勁軟身，少少鹹味反而帶出赤身嘅鮮味。秋刀魚，加少少蔥同芝麻，好香海膽杯，滿滿嘅海膽，加入金箔同紫蘇花，$1480餐中間會多一層日本白蝦，增添口感，朋友食$1280嘅，話已經好好味好滿足
時令前菜三點:
日本白梅貝，勁大隻螺，勁彈牙，加味噌醬食，好夾。
松葉蟹肉豆腐，加入七色芝麻，我覺得豆腐本身已經有蟹味。
水雲，醋嘅酸味真係好正，刺激味蕾，開一開胃。
刺身7款:
仙鳳趾生蠔，青檸啫喱，紫蘇花，勁大隻，好肥美，一啖係食唔晒㗎，要分兩啖。蠔味都幾重，好正。
鮫鰈魚刺身，可以加柚子醋食，魚肉有咬口，帶有微微香味。
日本嚮螺，勁彈牙，好鮮甜，點少少豉油同Wasabi已經好好味。
深海池魚，因為厚切，池魚嘅獨特香味好出，口感實正。
燒拖羅，油份重到，入口即化，香到，食完仲有
牧丹蝦，上面加咗蝦膏，蝦膏嘅香味加埋蝦本身嘅鮮甜，正。
煙燻鰹魚，好香呀，影完相都有煙燻嘅味，下面嘅汁有少少甜味，撈埋嘅海帶食，好好味。
壽司5款
新鮮北極貝，果然好新鮮，彈牙又鮮甜，唔需要任何調味。
小肌魚，外型同味道都似秋刀，不過口感冇實，軟滑啲。
醬油漬赤身，勁粉嫩勁軟身，少少鹹味反而帶出赤身嘅鮮味。
秋刀魚，加少少蔥同芝麻，好香
海膽杯，滿滿嘅海膽，加入金箔同紫蘇花，$1480餐中間會多一層日本白蝦，增添口感，朋友食$1280嘅，話已經好好味好滿足。最後一啖加埋紫蘇葉食，香到。
拖羅蓉手卷，啲拖羅多到，咬一啖就會有啲係後面流出嚟，好正呀。
鵝肝，香到，食完都滿口香味，
舞茸清湯，$1280嘅湯係清湯，啱啱好可以去油膩，舞茸好大舊，點少少豉油食就啱晒
魚湯，$1480嘅就係濃湯，用幾十斤魚熬製，無落味精，好飲。
以晚市價錢嚟講唔算貴，但係質素都幾高，值得一試，尤其住附近，唔好錯過一間咁好嘅餐廳。
張貼
