鮨文 (裝修中)

返工咁攰，放假緊係要食好西。 好耐之前已經聽過元朗鮨文呢間廚師發板餐廳，今次終於一試。食omakase有樣野好好嘅就係可以同師傅有交流，除左享受食材之外，亦可以學到野。 一坐低就有一碗好香嘅黑松露茶碗蒸 ，熱騰騰非常嫩滑。再來一隻東松珍蠔，落左橘子汁，係比較爽口嘅蠔。師傅同我地講食完飲啖茶，去潺又回甘。上面深海池魚，捲啲種左3/4日嘅蔥，淨係得蔥香味。下面係油甘魚用網燒，加wasabi食充滿油香而不膩。 下圖係鰹魚，一種重鐵質嘅魚，撈埋蔥薑一齊食白子配上柚子皮同酸汁，口感creamy，養顏之物。香箱蟹又叫勢議蟹，11-1月當造，蟹味濃郁甘香，配上半個充滿蟹籽同膏嘅蟹蓋，可以完全感受到蟹嘅鮮味。魚油倒返落去，可以夾埋大大舊wasabi一齊食，會引出甜味，充滿油香而不膩，味道豐富。煎鱸魚面係白麵豉同日本蘿蔔，可以撈埋食，蘿蔔非常清甜！針魚爽口，上面有小紅梅醬中和一下；燒鱈魚配柚子胡椒作為吊味；赤貝會拍一拍先上，新鮮又爽口，品質非常好；間八，即係鱆紅魚魚腩，油分比較多網燒金目燒 配俄羅斯藍寶石魚子醬，十分搭調。排名第8嘅白海膽，果種甘香同鮮味真係唔識形容，果然係唔同啲，而海膽杯就係用普通馬糞