玄鮨 (已結業)

今日又再次嚟到玄鮨食lunch！今次我哋叫咗午市廚師發板！包括有前菜的胡麻沙律，蝦茶碗蒸和合桃小女子，七款壽司同烏冬。壽司係由廚師發板嘅！廚師每一次都會講解一下食材再上碟非常細心！壽司會由淡味開始食起到然後到濃味！開始有鮮帆立貝和石雕魚壽司，呢兩款都係比較淡味的海鮮，基本上落少少硬鹽已經可以調出佢哋嘅鮮味，帆立貝口肉鮮甜，石雕則是淡淡的清甜味。另外就係鱸魚壽司同銀雪魚壽司，呢兩款壽司都經過炙燒，所以魚油味道較為豐富亦非常香！銀鱈魚嘅魚油非常香加上秘製醬汁令到整體味道更有層次感。牡丹蝦配牡丹蝦膏壽司：呢個壽司味道非常鮮甜，首先牡丹蝦已經有清甜嘅味道但係配上蝦膏之後整體嘅口感更有衝擊力，蝦膏嘅鮮味很快就係口腔散發！然後先再到牡丹蝦嘅清甜味層次豐富。到最後唔少得嘅係海膽手卷，海膽係金黃色的味道甘香鮮甜，口感幼滑而略帶黏稠！正！食完壽司之後會再有一個烏冬，最後更有甜品或者咖啡選擇，每人都係$500左右非常抵食。