唐宮小聚 (荃新天地) (已結業)

好耐冇嚟唐宮食嘢啦 襯住媽咪生日帶埋屋企人一家大細過嚟食飯 尋晚打咗電話過嚟book位 因為想坐得舒服啲 想要最後邊嗰張大枱 同事話盡量安排俾我哋 嚟到可以坐到梳發位真係好開心 坐低覺得好凍叫同事幫我哋閂細啲個冷氣 都即刻幫我哋閂咗 落單叫咗條麻辣石斑 同事好好咁提我哋話如果有會員或者fb讚好可以有優惠價$119 仲話有會員可以減coupon同積分 積分之後可以換食物 咁我都即刻整咗 同事們都好好 好有禮貌 上菜同事都好細心 會避開bb坐嘅位喺其他位上菜 屋企人大讚食物好好食 今次真係食得好開心 對貴公司印象良好 會多啲過嚟幫襯