芝加哥串燒酒場

營業中

休息中

試過元朗分店，原來喺銅鑼灣都有，同朋友放工過嚟飲兩杯，傾下計輕鬆一下！最鍾意呢度有唔同牌子同嘅手工啤，第一時間叫咗店家特製嘅IPA draft beer。麥香重，入口比較粗糙，一啖啖好豪爽！值得試。飲啤酒當然要配各種串燒！我哋一於肉類海鮮類蔬菜類咩都點黎試吓。特別推介燒蠔！我哋食咗兩隻嚟試吓，好大隻，好Juicy。可惜同行朋友唔食，如果唔係嗌半打或者一打仲抵。另一推介係燒魷魚乾。好大份，又勁咸香，送啤酒一流。而燒茄子又係好驚人地咁長，長過我手臂！而且加埋蒜蓉牛油，好惹味。食完正餐，當然叫多杯Cocktail 嘆下先。Long Island 飲得多，加埋Super 就真係未試過。音樂甜甜酸酸，好啱食完正餐解番膩。