Aurora Fusion Restaurant (已結業)

尖沙咀好多餐廳同時係bar又係restaurant不過通常呢d唔專門既餐廳酒吧野食都係擺得入口就算醉翁之意不在酒 去得飲野就係諗住填飽個肚唔講究食物質素呢間Aurora有驚喜呀! 主打西日Fusion菜，有啤酒又有sake飲，野食方面，鐘意食日本野又得，西餐又得，岩哂一班朋友gathering黎食，多d選擇ah ma原來佢仲係一間黃到金既黃店，真係唔支持都唔得啦!!!-竹炭天婦羅蝦卷配明太子沙律醬天婦羅蝦新鮮炸起，仲熱ga! 卷物配上明太子沙律醬，增加層次，好好食!香蒜大蜆扁意粉一黎就香氣撲鼻，大蜆鮮甜，大廚煮到岩岩夠熟，唔會overcook，唔會韌，睇得出大廚有花過心思!　香蒜可以吊出蜆肉鮮味來，平時都鐘意食扁意粉，可以掛到多d汁西班牙乳豬屬店內的重點菜式，乳豬皮脆肉嫩，好juicy，令我有去左澳門既感覺！店員提我地如果食完乳豬覺得個口太油，可以食返啖用生果整既sauce，個sauce好清新，酸酸甜甜咁，食到有洋蔥，桃，番茄等等，果然食返啖就可以減少乳豬帶黎的油膩感，highly recommended一定要試呀!2個人食左$500幾蚊，環境又舒適，一定要黎食乳豬呀！