Bistro La Bon (已結業)

約咗一個好耐冇見嘅朋友，打算去觀塘區食飯，搵極都搵唔到啱心水嘅西餐廳。咁啱見到呢間新開就嚟咗呢度試菜，一食真係有驚喜。一入到去睇下個環境！嘩真係好有氣氛！海鮮頭盤刺身非常新鮮。有蝦有三文魚有油甘魚。頭盤沙律沙律用羅馬生菜，同果醋。羅馬生菜新鮮，另外完全唔似其他西餐廳加沙律醬咁油膩。前菜帶子非常有Fine dining嘅感覺，黃色係海膽醬，非常揼本。南瓜餐湯麵包並非普通樓下街坊麵包，用法式麥包。點下南瓜湯再食非常好味。Main dish煎銀鱈魚Very juicy! 配上燒汁，覺得日式！Main dish紅酒燴羊架紅酒好入味不過肉質未夠嫩，呢個有進步空間但係都好好食。甜品panna cotta雖然唔係我以前食開嘅奶凍風格。不過拉動加上朱古力醬都好好味，為呢一餐畫上完美句號。