螢火

🥰又到聖誕🎄聖誕真係咁多個節日最令人期待同有氣氣😆 提早同男朋友食餐好嘅，當預祝聖誕
搵到呢間好特別，可以用Ipad於大螢幕播放中的天燈寫字🎇 慶祝生日呀anniversay一流呀(˶‾᷄ ⁻̫ ‾᷅˵)
.
◾️龍蝦鐵板燒🦞/鮑魚鐵板燒◾️ $1190/per head
.
呢兩個set價錢其實一樣，除左個主菜係龍蝦同鮑魚嘅分別其他都一樣。所以我同男朋友一人叫一個再share就可以試曬兩樣(⁎⁍̴̛ᴗ⁍̴̛⁎)
先來個沙律做前菜。
.

2 瀏覽

•澳洲龍蝦🦞•
擺盤精美，呢到每個師傅擺盆嘅方法都唔一樣，今日serve我哋呢一位佢有一個對於擺盤好有要求嘅人(⁎⁍̴̛ᴗ⁍̴̛⁎)對於我哋呢啲咁鍾意影相嘅人真係非常好👍🏻
龍蝦用蝦頭膏加上牛油以及黑椒調味，肉質爽口彈牙，真係原隻活生生嘅龍蝦再將佢燒熟
.

1 讚好

•南非鮑魚•
估唔到呢度嘅鮑魚竟然係有汁，海藻伴，鮑魚有咬口，輕微嘅煙韌，旁邊有啲安康魚肝醬。但係因為新鮮嘅鮑魚本身已經充滿佢嘅海水味，所以都唔使點樣嘅醬汁調味都已經好夠！
.

•汁煮白鱈魚•
洋蔥湯汁配上白鱈魚，肉質較實唔會一夾就散魚皮微脆，魚肉又滑，洋葱汁香
.

•鵝肝多士•
.
其實我平日好怕食鵝肝，因為食一件咁好膩個飽濟感揮之不去。但呢個厚薄適中，上面加左蘋果焦糖醬，連埋多士非常之好食😋！
.

·日本A5和牛薄燒·
我同男朋友因為一人叫一個不同set，牛就臣係叫一個厚一個薄share食ψ(｀∇´)ψ薄燒同坊間大部分做法一樣，係包住大量葱蒜再裹起，香口！
.

•日本A5和牛厚燒•
(˶‾᷄ ⁻̫ ‾᷅˵)呢個真係世界級，入口即化。大家都知A5和牛呢啲取勝之處就係呢股牛油脂香，我地要求三成熟師傅果然做到。之前食過一啲拿捏得唔好，熟左好多浪費左個牛！
.

•櫻花蝦炒飯•
.
呢個炒飯好靚呀🥰我第一次係出面食鐵板燒係會加隻蛋，仲要係出名嘅蘭王蛋，橙黃色嘅蛋黃，將唔留心嘅蛋黃液撈埋本身炒得乾身嘅櫻花蝦炒飯一齊食，比起出面剩係得飯嘅鐵板燒容易入口！
.

•炒野菜•
食完咁多肉，最後通常鐵板燒都一定有炒野菜。而呢一個菜都係椰菜豆芽等，唔算特別驚喜
.