和牛燒肉一郎 (新都城中心二期) (已結業)

前日同男友去左食日式燒肉放題🥩餐廳主打日本直送和牛，仲有智能化既「燒肉新幹線」送餐模式🚅，只需用QR code 落單，食物就會自己送黎，而且仲有音樂提示，撳開玻璃門就拎到食物，方便又衛生😙🥩Course B 嚴選牛肉放題及盛合 餐廳有4個價位既放題套餐，我地揀咗B餐嚴選牛肉放題及盛合，B set有精選牛肉25款、牛肉刺身、日本豚肉、雞肉、仲有海鮮等102款食物，可以食足兩個鐘 🫠呢個set有一個舟 •盛合，係一隻好壯觀既船，入面有牛肋肉、牛里脊肉、扇貝、蝦、雞肉、豚肉等等，好豐富😆另外仲有多款和牛同海鮮可供選擇，最推介和牛薄炙壽喜燒里脊肉，超大塊🤩就需輕輕一炙就食得，再配埋蛋汁同壽喜燒醬汁，又滑又香，超正🤤呢度既海鮮都唔錯，帶子同蝦都夠大隻同新鮮，真係食到停唔到口😋除左各款燒肉外，仲會有和牛刺身，食落口感幾似吞拿魚咁，都幾得意😂另外仲有前菜同熱食，可惜太飽食唔到咁多，但係都好滿足🥰🥰外面仲有自助區🥗有飲品、沙律同甜品任食任飲，飲品款式都幾多，有自家製既水果茶、果汁同汽水等，而甜品就有爆谷、甜品杯同日本雪條，我個人比較中意焦糖布丁，焦糖布丁又香又滑，焦糖味仲好濃郁，必試👍🏻👍🏻👍🏻