影片
更多
2021-12-17
41 瀏覽
早排收咗工同男友去咗食超正嘅海鮮蒸😋 佢係海鮮蒸界嚟講都算幾出名，聽過好多次，但食都係第一次去嘅蟹仙！包羅萬有海鮮二人套餐 $1099我哋揀咗個二人套餐一齊食，呢個二人套餐包左好多料，等我為大家逐一介紹吓🤩先黎前菜係香辣海蜇青瓜，份量都大大份，稍嫌啲黑醋太多，有啲酸，好彩有小小辣中和返。之後上咗半條深海海星斑，蒸嘅時間啱啱好，肉質結實得嚟又夠嫩滑，加埋蒸魚豉油，好味😋之後上咗盤海鮮大拼盤，有台灣九孔鮑魚、越南大虎蝦、紐西蘭刀貝蚌、紐西蘭月亮貝、大西洋野生青口同埋韓國慶南珍珠蠔。另我最驚喜嘅係佢個九孔鮑魚、野生青口同刀貝蚌☺️ 全部食落都好有鮮味，特別係隻青口勁大隻，食落無沙而且好鮮甜，唔似平時嗰啲咁腥同埋淨係得海水味🙈跟住就食澳洲青年龍蝦同埋主角罕有大黃奄蟹😋 龍蝦肉質好爽口，食起上嚟好有口感，而且仲有少少膏！而大奄蟹係我第一次食，好大隻下，估唔到有膏得嚟又啖啖肉，佢啲膏綠綠哋色係因為呢啲蟹係食齋大嫁，即係食海草🤣 但都依然食到佢嘅甘香，同埋都幾多蟹肉👍🏻之後就有蟲草花蒸雞、芝心小籠包、蟹仙蝦蟹棗、豬骨濃汁貢丸同埋個名好正嘅星爺爆漿瀨尿牛丸🤣 蒸雞嘅雞件蒸到剛好，好嫩滑，有驚喜！而貢
包羅萬有海鮮二人套餐 $1099
我哋揀咗個二人套餐一齊食，呢個二人套餐包左好多料，等我為大家逐一介紹吓🤩
先黎前菜係香辣海蜇青瓜，份量都大大份，稍嫌啲黑醋太多，有啲酸，好彩有小小辣中和返。
之後上咗半條深海海星斑，蒸嘅時間啱啱好，肉質結實得嚟又夠嫩滑，加埋蒸魚豉油，好味😋
之後上咗盤海鮮大拼盤，有台灣九孔鮑魚、越南大虎蝦、紐西蘭刀貝蚌、紐西蘭月亮貝、大西洋野生青口同埋韓國慶南珍珠蠔。另我最驚喜嘅係佢個九孔鮑魚、野生青口同刀貝蚌☺️ 全部食落都好有鮮味，特別係隻青口勁大隻，食落無沙而且好鮮甜，唔似平時嗰啲咁腥同埋淨係得海水味🙈
跟住就食澳洲青年龍蝦同埋主角罕有大黃奄蟹😋 龍蝦肉質好爽口，食起上嚟好有口感，而且仲有少少膏！而大奄蟹係我第一次食，好大隻下，估唔到有膏得嚟又啖啖肉，佢啲膏綠綠哋色係因為呢啲蟹係食齋大嫁，即係食海草🤣 但都依然食到佢嘅甘香，同埋都幾多蟹肉👍🏻
之後就有蟲草花蒸雞、芝心小籠包、蟹仙蝦蟹棗、豬骨濃汁貢丸同埋個名好正嘅星爺爆漿瀨尿牛丸🤣 蒸雞嘅雞件蒸到剛好，好嫩滑，有驚喜！而貢丸就好多汁，牛丸個餡啲漿都算多，滿意！而男友最鍾意就係蝦蟹棗，十分爽口彈牙！
之後就到蒸黑安格斯牛肉、濟州黑毛豬肉同埋有機蔬菜。之前會好抗拒蒸豬肉，因為通常都好柴，點知呢個豬肉又蒸得幾好食，夠腍身！而牛肉亦好重牛味，油脂分布剛好，唔錯！
最後，緊係唔少得食個粥啦，吸收哂之前所有嘢食嘅精華，最重要係食落係有海鮮嘅鮮味，非常好味👍🏻 正當食到超飽之際，估唔到仲有甜品食，係椰汁燉官燕，椰味好重，同埋真係食到一絲絲嘅官燕😆 呢間海鮮蒸真係幾推介，服務又好，會幫你逐樣嘢蒸埋，下次會再幫襯！
張貼
