Bellevue Bar and Grill (已結業)

今日咁啱出咗油麻地睇嘢，順便孖住男朋友去嘆個午餐！👍🏻前菜蕃茄忌廉湯好滑，蕃茄嘅酸酸甜甜特別開胃，仲可以點餐包一同進食，另外額配牛油果醬吞拿魚沙律，份量唔算好多，不過牛油果醬好清新，搭上呑拿魚蓉嘅魚香的確不俗。👍🏻意式香草燴海鮮伴奶油薯蓉海鮮種類繁多：青口、蝦仁、魷魚、蜆肉一應俱全，加上蘑菇粒、洋蔥一齊用香草去燴 ，清新又不濃烈嘅醬汁，並無蓋過海鮮嘅甜味，底部嘅奶油薯蓉做得綿密。不過價錢而言性價比略低。👍🏻安格斯牛肉漢堡伴香辣薯角牛肉漢堡非常多汁，而且好厚實唔會輕易鬆散，包皮烘得脆口，帶點芝麻香，加上蕃茄和生嘅爽脆口感，不俗，配埋新鮮炸起嘅薯角，相當邪惡又飽肚。👍🏻芒果奶凍杯一人一小杯作為午餐嘅總結剛好，芒果清甜，奶凍順滑帶點滑彈，藏有一粒粒嘅柚子，好似楊枝甘露，食完絕對冇甜膩膩嘅感覺！👍🏻👍🏻一入到去望見幾幅落地玻璃，空間感好寬敞！💡 餐廳嘅頭盤、甜品都可以俾你任意配搭，小編覺得自由度幾大！