頑固壽司 (已結業)

去尖沙咀睇醫生，出緊去期間突然改期，心情非常低落，橫掂都搭左出去尖東，近近地去K11搵食，食我至愛既日本菜，當然食返餐好既，令到自己開心返！頑固壽司始於日本大阪，全國擁有多間分店，今次終於開左黎香港，唔怪得咁多人黎排隊食。餐牌款式其實有超多款，簡直花多眼亂，樣樣都想食，而且餐廳每日都會空運海鮮過黎，所以海鮮非常新鮮。我就點了上級壽司拼盤十貫，蔥花碎拖羅手卷，活八爪魚刺身蔥花碎拖羅手卷（$60）拖羅碎份量十足，加上蔥花，減少油膩感活八爪魚刺身（$60）活八爪魚刺身清脆爽口，好新鮮，一d唔 韌上級壽司拼盤十貫（$240）擺盤好靚，侍應會介紹每一款壽司，十貫有鯛魚、鰤魚、中拖羅、魚子、海膽、牡丹蝦、帆立貝、鰻魚、吞拿魚細卷和玉子。壽司飯和醋比例剛剛好，不會一夾就散，而且飯入面已經放了wasabi，由其中拖羅壽司，咬落沒有筋，口感接近入口即溶，而海膽壽司肥大肉厚，好creamy，另外最小食到既鰤魚壽司，為白身魚，所以味道相對較淡，而且好鮮美。