影片
更多
2023-09-01
52 瀏覽
♡♡♡📍貊炙 (灣仔)灣仔港灣道30號新鴻基中心1樓104, 104A, 105A 及 106-108號舖打風時期真係喺屋企無野好做又無野好食，好彩琴日趁住打風前都同朋友食左餐好嘅韓燒🤩呢間位於灣仔近會展站嘅韓燒餐廳，門口雪櫃已經擺滿咗好多唔同種類嘅韓牛，而且內裡環境昏暗，同平食開個啲韓燒店好唔同，呢間私隱度高，格外有情調❣️而食物上都比平時我開嘅韓燒更加高質，今次同朋友揀左Steak Omakase Selected Cuts🥩由前菜沙律同和牛他他開始已經相當吸引，和牛他他上有新鮮雞蛋伴上鮮牛肉粒，除左肉質滑嫩外，麻油嘅香味更加開胃，作為晚餐嘅開始真係恰到好處☺️而燒肉上，包括有熟成USDA帶骨肉眼、封門牛柳、韓式三筋肉、熟成牛舌芯、熟成豬梅肉，店員會為你燒上，唔怕自己燒燶咗🤣而當中咁多款肉，我最中意嘅係封門牛柳，佢同平時食開比較實肉嘅燒韓牛唔同，呢度燒得剛剛好，牛味濃郁、外脆內軟，配埋生菜一同食用，一啲都唔覺得膩😍主菜上，有火辣惹味嘅海鮮湯同帶有和式風味嘅西冷脂飯，絕對值得推薦大家食嘅係呢碗西冷脂飯，西冷真係入口即化，令人一試難忘🤤至於飲品同甜品上，都揀左蜂蜜味道嘅特上蜂蜜生米酒同蜂蜜
📍貊炙 (灣仔)
灣仔港灣道30號新鴻基中心1樓104, 104A, 105A 及 106-108號舖
打風時期真係喺屋企無野好做又無野好食，好彩琴日趁住打風前都同朋友食左餐好嘅韓燒🤩
呢間位於灣仔近會展站嘅韓燒餐廳，門口雪櫃已經擺滿咗好多唔同種類嘅韓牛，而且內裡環境昏暗，同平食開個啲韓燒店好唔同，呢間私隱度高，格外有情調❣️
而食物上都比平時我開嘅韓燒更加高質，今次同朋友揀左Steak Omakase Selected Cuts🥩由前菜沙律同和牛他他開始已經相當吸引，和牛他他上有新鮮雞蛋伴上鮮牛肉粒，除左肉質滑嫩外，麻油嘅香味更加開胃，作為晚餐嘅開始真係恰到好處☺️
而燒肉上，包括有熟成USDA帶骨肉眼、封門牛柳、韓式三筋肉、熟成牛舌芯、熟成豬梅肉，店員會為你燒上，唔怕自己燒燶咗🤣而當中咁多款肉，我最中意嘅係封門牛柳，佢同平時食開比較實肉嘅燒韓牛唔同，呢度燒得剛剛好，牛味濃郁、外脆內軟，配埋生菜一同食用，一啲都唔覺得膩😍
主菜上，有火辣惹味嘅海鮮湯同帶有和式風味嘅西冷脂飯，絕對值得推薦大家食嘅係呢碗西冷脂飯，西冷真係入口即化，令人一試難忘🤤
至於飲品同甜品上，都揀左蜂蜜味道嘅特上蜂蜜生米酒同蜂蜜雪糕，清甜嘅蜂蜜味中和咗以上嘅濃味菜式，為呢個打風前夕嘅晚餐劃上完美句號❤️🔥
張貼
