影片
更多
2022-12-22
58 瀏覽
🥰聖誕節，最緊要就係同屋企人一齊慶祝，喺呢個咁普天同慶嘅節日唔少餐廳都推出咗聖誕特別餐，今日我哋就嚟到灣仔食呢一個聖誕omakase啦！價錢係$720一位，呢個聖誕餐最大嘅特點就係用了全部都係熟成肉，而且仲係集齊晒全間店舖最受歡迎嘅肉類，大家可以一次過試晒佢哋啦！呢度嘅肉類，做得好出色，其中我最鍾意嘅就係牛小排，佢嘅油脂非常豐富，食落去好香，口感亦都好好。另外豬五花都唔錯，不愧係熟成豬五花，食得出係經過細心嘅烹調嘅。其他嘅肉類都一樣咁出色，篇幅有限，我就唔一一介紹了，不過保證大家唔會後悔！前菜方面都有好多種類，有韓國傳統泡菜，青瓜，薯仔等等，我最鍾意嘅反而係帶子，真係好鮮甜好正㗎！主食方面，有兩款可以選擇，有冷麵同埋海鮮湯泡飯，係咁凍冰冰嘅天氣建議大家選擇返海鮮湯。雖然話冷麵都有佢嘅特色，呢個冷麵嘅口感同我之前食開嘅日式冷麵完全一樣，真係可以體驗到地地道道嘅韓國菜式！海鮮湯亦都唔係咁簡單㗎，入面有好多海鮮，又有蜆，又有蝦，好足料㗎！至於甜品呢就係提拉米蘇，但係佢最特別嘅係用咗木糠來代替傳統可可粉，咖啡味亦都唔係咁重，小朋友都可以enjoy到呢份甜品㗎！所以今餐真係好適合一家大細過嚟！而
聖誕節，最緊要就係同屋企人一齊慶祝，喺呢個咁普天同慶嘅節日唔少餐廳都推出咗聖誕特別餐，今日我哋就嚟到灣仔食呢一個聖誕omakase啦！
價錢係$720一位，呢個聖誕餐最大嘅特點就係用了全部都係熟成肉，而且仲係集齊晒全間店舖最受歡迎嘅肉類，大家可以一次過試晒佢哋啦！呢度嘅肉類，做得好出色，其中我最鍾意嘅就係牛小排，佢嘅油脂非常豐富，食落去好香，口感亦都好好。另外豬五花都唔錯，不愧係熟成豬五花，食得出係經過細心嘅烹調嘅。其他嘅肉類都一樣咁出色，篇幅有限，我就唔一一介紹了，不過保證大家唔會後悔！
前菜方面都有好多種類，有韓國傳統泡菜，青瓜，薯仔等等，我最鍾意嘅反而係帶子，真係好鮮甜好正㗎！
主食方面，有兩款可以選擇，有冷麵同埋海鮮湯泡飯，係咁凍冰冰嘅天氣建議大家選擇返海鮮湯。雖然話冷麵都有佢嘅特色，呢個冷麵嘅口感同我之前食開嘅日式冷麵完全一樣，真係可以體驗到地地道道嘅韓國菜式！海鮮湯亦都唔係咁簡單㗎，入面有好多海鮮，又有蜆，又有蝦，好足料㗎！
至於甜品呢就係提拉米蘇，但係佢最特別嘅係用咗木糠來代替傳統可可粉，咖啡味亦都唔係咁重，小朋友都可以enjoy到呢份甜品㗎！所以今餐真係好適合一家大細過嚟！
而家嚟介紹返一啲，只有成人可以飲到嘅嘢啦！今次經過餐廳介紹我哋嗌咗兩款人氣酒精飲品，分別係花生味嘅酒，同埋一個燒酒。呢度嘅服務好好㗎，又幫你開，又幫我哋倒，真係超級有儀式感！味道，方便，兩款都冇得輸，我咁大個女都未飲過花生味嘅酒，口感好特別，而且非常順滑，價錢又唔貴，大家經過絕對要買返一支試吓！鍾意花生嘅記住唔好錯過啦！呢個燒酒都好唔錯，唔講都唔知佢有19度咁犀利，入口完全唔會好辛辣，反而都幾舒服，適合一眾女士品嚐。
最重要就梗係讚吓呢度嘅服務啦，唔單止幫我哋燒埋仲會好細心咁介紹佢哋店舖嘅肉類俾我哋認識，包括佢哋嘅製作方法，燒嘅時間，食用方法，同埋品嚐嘅順序等等。真係好有heart呀！另外呢度有優惠特別嘅貓貓店員，係機械人嚟㗎！小朋友一定會好有興趣！
餐廳：貊炙 MEAK JEOK
地址：灣仔港灣道30號新鴻基中心一樓104A，105A,106-108
張貼
