影片
更多
2019-07-12
47 瀏覽
Happy Friday梗係要食啲Happy嘢，有同事上次喺IG po咗去韓珍嘆韓燒嘅相，引到我流晒口水，我當然唔執輸啦，今晚放工就燒到夠。除咗單點外餐廳仲供應套餐，不過對於我哋簡單啲唔駛諗但又想搶fo嘅人嚟講，揭到第一頁就俾八色珍味拼盤吸引住。【八色珍味拼盤】有三款組合供選擇，我哋就揀咗四色五花肉+牛肉組合($675)。長條型木板上面放咗8個裝住各種肉類嘅小兜，咁有特色當然要餵咗相機食先。牛肉有調味烤里脊、調味烤排骨、牛舌、雪花牛肉。里脊同排骨肉味豐富；牛舌就夠大塊爽口；雪花牛肉雪花分佈均勻，滿口油香。四色五花肉就有咖哩味、黑椒味、泡菜味、香草味。咖哩味夠特色；黑椒味微辣非常惹味；香草味就好香口。調味固然做得好，五花肉本身都高質，肥瘦適中夠軟腍，燒完肉汁都仲豐富。除咗肉類外，韓燒少不了豐富多彩嘅前菜，有魚干仔、荳芽、洋蔥、沙律等等，仲送埋熱辣辣嘅雞蛋煎餅，蛋香十足，不過記得趁熱食，凍咗就黐住個煎pan架啦。飲品選擇都幾豐富，我哋揀咗【奇異果味Fruit Ade】，入面真係有奇異果肉架，消暑解渴。呢度侍應大部分都係韓國人，英文溝通冇問題，又經常幫我哋換網，間唔中都幫手剪肉燒肉。座位寬敞
除咗單點外餐廳仲供應套餐，不過對於我哋簡單啲唔駛諗但又想搶fo嘅人嚟講，揭到第一頁就俾八色珍味拼盤吸引住。
【八色珍味拼盤】有三款組合供選擇，我哋就揀咗四色五花肉+牛肉組合($675)。長條型木板上面放咗8個裝住各種肉類嘅小兜，咁有特色當然要餵咗相機食先。
牛肉有調味烤里脊、調味烤排骨、牛舌、雪花牛肉。里脊同排骨肉味豐富；牛舌就夠大塊爽口；雪花牛肉雪花分佈均勻，滿口油香。
四色五花肉就有咖哩味、黑椒味、泡菜味、香草味。咖哩味夠特色；黑椒味微辣非常惹味；香草味就好香口。調味固然做得好，五花肉本身都高質，肥瘦適中夠軟腍，燒完肉汁都仲豐富。
除咗肉類外，韓燒少不了豐富多彩嘅前菜，有魚干仔、荳芽、洋蔥、沙律等等，仲送埋熱辣辣嘅雞蛋煎餅，蛋香十足，不過記得趁熱食，凍咗就黐住個煎pan架啦。
飲品選擇都幾豐富，我哋揀咗【奇異果味Fruit Ade】，入面真係有奇異果肉架，消暑解渴。
呢度侍應大部分都係韓國人，英文溝通冇問題，又經常幫我哋換網，間唔中都幫手剪肉燒肉。座位寬敞空間大，唔怕食完全身都係燒烤味，可以慢慢嘆啦～
張貼
