螢火

{是日海鮮-蟶子皇}肉質柔嫩得嚟又爽脆，帶濃厚鮮甜味。蘆筍一啲都唔老，清爽多汁。{汁煮白鱈魚}真係做到外脆內軟嘅效果👏中間嘅魚肉超嫩滑，魚油鎖晒喺魚肉入面，配埋下面個洋蔥汁一齊食好開胃。上面塊魚皮都煎到脆卜卜同金黃色，咬落咔咔聲🤩{澳洲龍蝦}師傅用神工將龍蝦拆殼再煎，用返蝦膏為蝦肉調味，而蝦殼就用嚟滾龍蝦湯🥣蝦肉大嚿啖啖肉，表面係有少少半煎炸咁樣，香口得嚟龍蝦肉質仲係咁嫩👍{澳洲大鮑魚-450g}厚身又爽口，鮑魚肝醬有驚喜，甘香而不苦澀。師傅十分認真製作，食材非常新鮮🐟價錢合理，店員亦細心有禮，值得我再回頭！