重慶劉一手火鍋店 (旺角商業大廈) (已結業)

最近知道重慶劉一手係香港都開左分店，未食過又好想試既我，所以今晚帶埋媽媽試下佢有幾辣。一入到餐廳裝修得好古色古香，媽媽大讚環境舒服。而且每位店員都好好服務態度，真係值得一讚丫。🌶正宗重慶麻辣鍋花椒味好香，望落比平時出面食開既辣椒少得多，但辣度十足，明明叫左小辣，食落似中辣。本身媽媽平時都唔太食辣，但佢完全比個麻辣鍋深深吸引住，幾乎將所有食物都放哂落辣鍋。🍅蕃茄牛尾鍋而我反而被呢個蕃茄牛尾鍋完全征服，味道濃郁，我足足將個湯底飲左幾碗，牛尾都有好幾舊，非常稔，幾好食。🥢羊肉片呢度既羊肉片真係好有驚喜，無羶味，而且好鮮嫩，真係值得一試。🥢手打牛肉丸／雲吞皇其次推介手打牛肉丸，好多汁，又彈牙，而且肉味濃，好味。雲吞則好大粒，肉質較結實。🥢珍寶田雞腿第一次食甘大隻田雞腿，份量多，啖啖肉，不過味道相對較淡。🥢皇帝菜份量足，夠新鮮。🥢讚岐手打烏冬配上呢兩個湯底，真係綿上添花。呢度無盡食材、湯底、服務、環境都好滿意，旺角區黎講真係高質。