影片
更多
2021-11-07
6742 瀏覽
週末同先生拍下拖，揀咗公司附近嘅呢間火鍋店，主打台式養生火鍋，同事食過之後大推，話湯底足料，食材新鮮。湯底款式眾多，全部都好吸引，有選擇困難症嘅我交咗俾先生決定，佢最後揀咗台灣麻辣牛肉湯涮涮鍋。湯底一送上已經聞到好香濃嘅牛肉味，完全有嗰種食緊五香麻辣牛肉麵嘅感覺，非常足料。贈送嘅鹹蛋魚皮係新鮮炸起，入口仲熱辣辣，香脆可口，配上惹味嘅鹹蛋黃，絕對係誠意之作！火鍋配料選擇豐富，份量適中，而且上菜速度亦非常快。安格斯肥牛色澤鮮紅，油花均勻，入口牛味亦夠濃，而且切得夠薄，質素唔錯。白鱔片同脆肉鯇同樣新鮮，打邊爐有白鱔片任食本身已經少見，更難得嘅係白鱔非常新鮮，輕輕淥一淥就食得，十分爽口；脆肉鯇係魚腩嘅部分，啖啖肉，口感彈牙，同樣係冇得輸！另一樣要推薦嘅食材係手打丸同魚滑，特別係黑松露墨魚丸，黑松露嘅味道令到鮮甜嘅黑魚丸更加出色，口感亦非常彈牙。除咗食材種類多，飲品嘅選擇亦都係花多眼亂，而且有唔少自家製嘅茶飲。我最欣賞自家製嘅黑糖冬瓜檸蜜茶，味道比一般嘅檸檬茶更fresh，清甜解渴，打邊爐必備！甜品方面有幾款名牌雪糕，仲有比較少見嘅甜筒，當然唔能夠放過。火鍋店雖然開到成行成市，但係質素高嘅任食火
週末同先生拍下拖，揀咗公司附近嘅呢間火鍋店，主打台式養生火鍋，同事食過之後大推，話湯底足料，食材新鮮。
湯底款式眾多，全部都好吸引，有選擇困難症嘅我交咗俾先生決定，佢最後揀咗台灣麻辣牛肉湯涮涮鍋。
湯底一送上已經聞到好香濃嘅牛肉味，完全有嗰種食緊五香麻辣牛肉麵嘅感覺，非常足料。
贈送嘅鹹蛋魚皮係新鮮炸起，入口仲熱辣辣，香脆可口，配上惹味嘅鹹蛋黃，絕對係誠意之作！
火鍋配料選擇豐富，份量適中，而且上菜速度亦非常快。
安格斯肥牛色澤鮮紅，油花均勻，入口牛味亦夠濃，而且切得夠薄，質素唔錯。
白鱔片同脆肉鯇同樣新鮮，打邊爐有白鱔片任食本身已經少見，更難得嘅係白鱔非常新鮮，輕輕淥一淥就食得，十分爽口；脆肉鯇係魚腩嘅部分，啖啖肉，口感彈牙，同樣係冇得輸！
另一樣要推薦嘅食材係手打丸同魚滑，特別係黑松露墨魚丸，黑松露嘅味道令到鮮甜嘅黑魚丸更加出色，口感亦非常彈牙。
除咗食材種類多，飲品嘅選擇亦都係花多眼亂，而且有唔少自家製嘅茶飲。
我最欣賞自家製嘅黑糖冬瓜檸蜜茶，味道比一般嘅檸檬茶更fresh，清甜解渴，打邊爐必備！
甜品方面有幾款名牌雪糕，仲有比較少見嘅甜筒，當然唔能夠放過。火鍋店雖然開到成行成市，但係質素高嘅任食火鍋可遇不可求，而且價錢合理，服務亦唔錯，整體俾人嘅感覺非常好，絕對有下次！
張貼
