麵麵店 (已結業)

間中食下車仔麵真係好滿足，可以點好多款嘅餸😍之前都有食過呢間麵麵店，不過就係喺太古分店。估唔到佢竟然開到黎將軍澳！呢間比較先進，可以掃QR code 落單，又可以揀用信用卡俾錢又或者出返去cashier嗰度用八達通俾錢，方便又快捷。俾咗錢之後，坐係度等下就有得食啦！今次揀咗個生菜底，再加通菜，瑞士雞翼尖，墨魚卷，魚肉春卷同埋豬紅，湯底就揀咗清湯加腩汁。佢每款餸其實份量都幾多。豬紅好滑，好入味！墨魚卷就比較有口感，好彈牙！魚肉春卷就相對冇咁彈牙，但我自己就好鍾意佢嗰個味道！食車仔麵點可以唔食雞翼尖呢。呢度嘅雞翼尖比較特別 佢唔係用滷水汁去浸，而用咗瑞士汁，食落甜甜地，同埋佢真係浸得好入味！朋友就點左個撈麵，加咗雞翼尖，墨魚卷，魚肉春卷，豬大腸同埋滷蛋！佢大讚撈麵，d麵煮到啱啱好，又唔會有鹼水味！加$4就有一杯自家煲嘅紫貝天葵，超級抵！