53
9
7
港鐵寶琳站 A1 出口, 步行約3分鐘 繼續閱讀
所有分店 (2)
電話號碼
39968937
開飯介紹
由電台主持及藝人阮小儀主理的車仔麵店。必食推介車仔餸有麻辣蓮藕、酸齋,並特別研發辣菜脯佐面,加入大量蒜蓉、辣椒,辣度足。 繼續閱讀
營業時間
今日營業
07:00 - 22:00
星期一至日
07:00 - 22:00
付款方式
Visa Master AlipayHK 現金 八達通 AE 銀聯 JCB Apple Pay Google Pay
其他資料
酒精飲品
自帶酒水
外賣服務 詳細介紹
食評 (76)
等級4 2019-09-06
127 瀏覽
車仔麵是奇怪的食物,不需名貴的食材,複雜的煮法,但已經很好吃,令人久不久都要吃一碗。去完旅行回來, 我竟然最想吃的是一碗最地道的車仔麵!!! 於是第二晚便有機會解解我的"思鄉病", 開餐於其中一間我們都喜愛的車仔麵店 - 麵麵店。以前多數去佐敦店, 這次是第一次將軍澳店, 裝修更年青更開揚呢~大部份吃車仔麵都是劃"點心紙"點配餸料麵底的, 但這兒則是很先進的以網上落單, 不但環保, 更減少打單出錯的機會。即使我們第一次用這方法下單, 也很簡單易用。就算真的有操作問題, , 店員姐姐也會很親切協助。點好食物及付款後幾分鐘, 我們的食物就送過來, 看見有這麽多餸真開心。吃這兒的車仔麵怎能缺少靈魂之一, 辣菜脯呢? 這個自家調配的配菜我真的百吃不厭, 十分香辣, 惹味得很, 結果越吃越多。每次必點的餸是這個蓮藕片, 口感爽脆又沒有"渣"但非常入味, 每口都點辣的刺激, 與車仔麵十分夾味。雞翼尖這兒炆得很不錯, 不會太淋太漿口, 滷水調味也很好, 不會過咸, 仍帶着花枝八角的香味。沙角餃好味得帶有驚喜, 沙角本身帶清甜爽口, 混入豬肉等中餡料, 味道更鮮甜, 更能中和了車仔麵其他配料及湯底的濃味, 下次吃一定要再點呢~身邊那位點了撈粗麵, 麵條更富質感, 配上沙爹醬, 又是另一番滋味。 我覺得吃車仔麵最好飲品配搭就是可樂, 完全能解膩去味精感。 那冰涼的爽口, 配上味濃的車仔麵, 吃完真是很滿足。原來地道美食真的最叫令人牽掛! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-31
116 瀏覽
友人突然話想來我家參觀,但我乜都沒有準備喎…..雖然家不算凌亂,但無時間親自下廚招待,有點不好意思。結果……..還是外出吃完才來吧! 知她一向愛吃車仔麵,剛巧明星阮小儀在附近新開一間車仔麵店,而我都未到訪過,一於今晚吧!門放式的門口,感覺寬敞開揚。一身鮮黃色,好醒神呀! 裝潢簡約,但牆上有幾幅很吸引的車仔麵相片,當然最吸晴還是小儀的相片啦! 店子分兩區,泊牆設有一排排座位配二至四枱,中間還有多將二至四人枱,整齊企理,挺舒適。牆上鑲有一大塊菜單,本以為是用紙仔下單點菜,但今時唔同往日,連車仔麵都緊貼現今科技,用枱號QR Code落單,揀好就用手機比錢,既方便快捷,又環保,好念頭! 唔駛擔心唔識用,店員好helpful,用心協助客人,抵讚!你有你點,我有我點,各自篤手機,easy! 有九款$14麵底和三款$17麵底,而湯底就有三款、醬汁四款,至於車仔餸就有六項,分別$8、$9、$10、$11、$12和$14。老實說,最喜歡是可揀青菜代替麵底,岩晒我這些少吃澱粉質者,讚!*****************************我選了青通菜配薑酒湯($14)及另上惹味咖喱汁和蒜粒菜脯,加六餸。有冬菇、鮮腐竹、鹵水蛋、魚皮餃、魚肉春卷和麻辣蓮藕,唔好以為青菜底就會細細碗,份量都好夠,滿足!第一時間呷一口薑酒湯,湯身清澈,不油不鹹,少少薑的辛辣,又帶點酒香,雖不算好香濃,但味道也不錯。通菜色澤翠綠,莖部爽口,菜葉幼嫩;原粒冬菇($8)上,大小中等,約有五六粒,爽口滑身兼滿有菇汁,也推介!鹵水蛋($8)弄得非常入味,亦有蛋香,同樣推介!鮮腐竹($8)又腍又滑身,滿有豆香,加些惹味咖喱汁,更滋味!魚皮餃($9/3粒)啲啲骰骰,一啖一口,皮滑饀滿,配些蒜粒菜脯,辣辣地更美味。還有魚肉春卷($9/2件),味道鹹香,不乾身不油膩。由於有濃味的餸料,即是麻辣蓮藕($10),故能保持湯底原汁原味,讚!麻辣蓮藕挺爽脆,面頭沾上少許紅椒、辣油、花椒等,麻辣感覺慢慢滲出,好有風味。*****************************友人要了米粉($14),同樣配薑酒湯及另上惹味咖喱汁和蒜粒菜脯,加六餸。有冬菇($8)、韭菜($8)、豬紅($8)、魚片頭($8/3件)、黑椒牛丸($9/3粒)、麻辣雞腎($10)。見有大量的翠綠的韭菜,而冬菇、豬紅和麻辣雞腎都幾多件,大大碗,令她吃得滿足。看她應該最喜歡豬紅和麻辣雞腎,不出一會就把它們通通吃光,而我也偷吃了一件麻辣雞腎($10),同樣香辣惹味,口感爽,不錯!*****************************飲品都有不少選擇,友人最愛可口可樂($6),而我就被少見的紫貝天葵($6)吸引了,據網上資料所得知:紫貝天葵是一種很好的營養保健品,含造血功能的鐵素、維生素A原、黃酮類化合物及酶化劑錳元素,具有活血止血、解毒消腫等功效。大大杯,好抵飲! 酸咪咪,甜度適中,消滯解膩,正合我需要。--------------------------相信這店子將成為我的飯堂,既方便,又平靚正,仲好醫肚,是工作OT後的很好選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-27
46 瀏覽
小儀係香港人心目中都好出名,最近不知不覺間知道小儀開左間車仔麵,原來已經唔係最近,係好耐好耐之前已經有,只係最近開左間分店係將軍澳,當我知道個一刻,即刻同男朋友去試試小儀口味既車仔麵係點既先。將軍澳新都城一期呢間分店都算細間,係一個轉彎位入面,不過職員服務就非常好,我地企係門口,佢已經即刻出黎招呼,問我地堂食定外賣?跟住就會帶位,坐底後,枱上有個QR Code,只要你掃一掃佢就可以係電話下單,入面有小儀推介既套餐,都有散叫,款式都算多,飲品仲有一兩款特別既。我男朋友叫左出前一丁,牛腩,芝士雞尾腸,咖哩魷魚,酸齊,湯底方面就叫左好特別既薑湯底,在配咖哩汁,加多杯凍檸樂,估唔到我叫左咁多野先70蚊,真係算好扺食,用手機選擇完之前就拎出去俾錢,跟住返位等職員送餐就可以啦,薑湯底真係幾特別,唔會太勁既薑味,但有小小味,牛腩半肥瘦都好淋,夠曬入味,芝士雞尾腸同出面食既比較多好多芝士,最最最要推介既係酸齊,外皮小小脆,餡得岩岩好,非常好味。我就叫左米線,蘿蔔,鹵水雞翼尖,豬腸,鳳爪,貢丸,清湯底加咖哩汁,飲佢最特別既咸檸碧,我仲多送過男朋友,但我只要67蚊,真係我既送特別平,樣樣野都好入味,最特別要介紹下佢俾個個菜甫,每人都會配一個,職員仲會重點講一次,呢個好辣,叫我地要試一試先好放落去食,第一下真係覺得好辣,不過非常香,但估唔到夾小小落麵到一齊食,又唔會太辣,反而真係香好多,呢個菜甫真係我既驚喜!! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-22
140 瀏覽
今日約咗朋友喺將軍澳新都城有d野拎畀佢,熱辣辣唔想行返出商場,所以就決定係附近一齊開餐行行下見到有間〈麵麵店〉係小儀開嘅,就一於試下啦。難得就算無food court都可以幾十蚊就喺商場入面涼住冷氣食個飯嘛!!最抵嘅四餸套餐$44就可以四餸加一麵,仲有嘢飲,好抵!大胃王仲可以揀貴少少但多好多餸嘅〈招牌雜燴麵〉另外仲有地道小食,魚蛋豬皮同蘿蔔相信絕對系好多人嘅最愛。當然一般嘅車仔麵料都全部有齊。值得一讚嘅係採用更環保既電子落單,先掃左每張枱上面嘅QR Code,之後揀好食物就拎出去櫃面畀錢後等食就得,唔似得傳統車仔麵店咁每碗麵都用一張紙落單,唔環保喔!!同朋友各自嗌咗杯濃郁嘅豆漿,仲有杯酸酸甜甜嘅紫背天葵,夏天熱辣辣飲就最正。揀咗新鮮爽脆嘅菜底之後仲叫咗味濃又Q彈中帶爽脆既豬耳。最貼心嘅係店家將麻辣蓮藕同酸齋用另一隻碟上,絕對唔會浸到淋曬,抵讚抵讚朋友亦都唔執輸,叫咗佢哋嘅招牌麻辣蓮藕同麻辣腩肉片,辣得勁過癮。最後絕對要推介小儀自家製的秘制勁辣菜脯,夠辣又勁爽脆,無論撈麵定湯麵一齊食都勁正。 繼續閱讀
(以上食評乃用戶個人意見 , 並不代表OpenRice之觀點。)
等級6 2019-08-21
110 瀏覽
有一段時間沒有食車仔麵,知道隔鄰地鐵站上蓋商場開了新車仔麵店,趁週末過去試試。「麵麵店」由小儀做代言人,本來以為她自己開舖;無意中聽見鄰座兩個師奶閒談,提及「麵麵店」係《美心集團》開設,之後再問服務員阿姐,果然得到證實。原來這間「麵麵店」分店由《美心集團》及小儀合作,小儀自己打骰開設的車仔麵店「麵麵店」則位於太古城中心內。裝修用鮮黃、黑、白三色為主調,簡潔明亮,有別於其他傳統車仔麵店;同時又採用開放式設計,整體風格充滿現代氣息。大大張宣傳海報推介招牌雜燴麵,沒有寫明幾多錢(奇怪?);由於並非所有車仔餸都鍾意食,所以決定還是用傳統方法,逐款車仔餸單點。本來想排隊落單,但餐牌上竟然沒有任何價錢;反而展示了大大個 QR code,原來採用了中國內地餐飲業已經流行多時的 QR code 自助落單及找數,唔怪得餐牌沒有展示任何價錢。大陸用微信支付,香港就用 ApplePay / GooglePay、八達通,當然,配合香港實際情況,堅持現金付款也可以,只不過就要排隊了。車仔餸款式非常多,麵底或菜底同樣有很多口味可以選擇。總共叫了三碗麵,其中一碗五款餸(豬腸、豬紅、冬菇、咖喱魷魚及咖喱魚蛋);第二碗就有四款餸(蘿蔔、豬皮、豬腸,豉油王雞中翼);第三碗只揀了牛腩。車仔餸價錢款款唔同,部份同坊間其他車仔麵店差不多,部份則偏貴;至於麵底或菜底就明顯偏貴了,無論係傳統油麵、生菜底、甚至乎係出前一丁,一律 $14,似乎並不平均。豬皮唔諗唔軟綿。蘿蔔唔夠清甜,甚至有少少澀。豬紅唔夠爽滑。豬腸份量少得可憐,原來1.5安士只有三、四小塊;質感又太腍、有少少脢,少了一份煙靱咬口;味道一般,豬腸臊味未徹底去除。咖喱魚蛋咖喱味唔夠辣;冇魚味、亦唔夠彈牙。咖喱魷魚尤其非常難食,明知車仔麵餸就係乾魷發水魷魚,但處理得非常差,仍然有一陣相當明顯嘅梳打水浸泡味道;完全沒有魷魚味就已經預咗,但竟然爽口彈牙質感都欠奉,亦完全沒有咖喱味彌補乾魷發水魷魚不足之處;好耐未食過如此難食的車仔麵餸發水魷魚。雞翼味道正常。碎牛腩是比較食的車仔餸,但比起其他車仔麵店,也不見得特別出色。叫了一杯凍奶茶,餐廳秉承《美心集團》旗下餐廳近年路線,主張環保,「齊齊走飲管」概念抵讚,但奶茶奶味茶味唔夠,唔好飲。車仔麵唔好食、奶茶唔好飲、價錢唔算便宜,應該唔會幫襯下一次。 繼續閱讀
(以上食評乃用戶個人意見 , 並不代表OpenRice之觀點。)