更多
2018-10-08
6180 瀏覽
百貨做特價於是陪媽媽去元朗shopping,同我出街當然唔少得去搵下美食啦!呢間西餐店面唔算起眼,初初見到咁文青嘅招牌同名,仲以為係賣台灣野食或者Cafe,一睇餐牌竟然係食西餐仲好鬼吸引。午餐嘅set幾抵食,難怪咁多街坊幫襯。叫主餐牌都有午市優惠,難得有假期同媽媽撐台腳,所以決定食好d午市時段跟配餐湯或沙津,每人揀左一款試,個湯嘅忌廉幾香滑,下次加錢試試佢個酥皮湯先!媽媽點嘅肉眼牛扒,份量大得驚人,連薯菜都大大舊就快連個碟都裝唔哂。點七成熟煎嘅火候岩岩好,牛肉依然係嫩粉色但唔會有血水滲出,牛味唔算好濃但肉汁豐盈而且嫩滑,總體黎講味道唔錯。一望餐牌已經想試呢個蟹肉蟹膏意大利飯,果然冇令我失望。一入口已經食到濃濃嘅蟹膏香味,加上蟹肉燴飯又甘香又鮮甜。而且飯入面加左菇、翠玉瓜同炒洋蔥,食到尾都唔覺得好多油好膩,調味同材料份量控制得幾好。仲有飲品跟,呢餐真係飽到不得了見客人走得七七八八影下餐廳裝修,小店空間不大但非常整齊乾淨難得搵到價錢不貴但質素唔錯嘅西餐,下次一定會再幫襯!
呢間西餐店面唔算起眼,初初見到咁文青嘅招牌同名,仲以為係賣台灣野食或者Cafe,一睇餐牌竟然係食西餐仲好鬼吸引。 午餐嘅set幾抵食,難怪咁多街坊幫襯。叫主餐牌都有午市優惠,難得有假期同媽媽撐台腳,所以決定食好d
午市時段跟配餐湯或沙津,每人揀左一款試,個湯嘅忌廉幾香滑,下次加錢試試佢個酥皮湯先! 媽媽點嘅肉眼牛扒,份量大得驚人,連薯菜都大大舊就快連個碟都裝唔哂。
點七成熟煎嘅火候岩岩好,牛肉依然係嫩粉色但唔會有血水滲出,牛味唔算好濃但肉汁豐盈而且嫩滑,總體黎講味道唔錯。 一望餐牌已經想試呢個蟹肉蟹膏意大利飯,果然冇令我失望。一入口已經食到濃濃嘅蟹膏香味,加上蟹肉燴飯又甘香又鮮甜。而且飯入面加左菇、翠玉瓜同炒洋蔥,食到尾都唔覺得好多油好膩,調味同材料份量控制得幾好。
仲有飲品跟,呢餐真係飽到不得了
見客人走得七七八八影下餐廳裝修,小店空間不大但非常整齊乾淨
難得搵到價錢不貴但質素唔錯嘅西餐,下次一定會再幫襯!
張貼