金河小廚

營業中

休息中

今晚同朋友去荃灣呢間金河小廚食飯，佢哋成日幫襯話好食，果然冇介紹錯！餸菜夠鑊氣又有住家風味，最特別係有包房，仲可以打吓麻雀同唱K，啱晒一班人聚會～ 重點推介「欖角骨」！酸甜入味，肉質鬆化，欖角香好突出，送飯一流！芝麻雞（半隻）皮脆肉滑，芝麻鋪到滿晒，香口得嚟唔會太油。「上湯浸勝瓜」清甜無渣，湯底鮮甜，飲得出真材實料。「豉油王大蝦」隻隻爆膏，豉油香濃但唔會太鹹，蝦肉爽彈，食到舔舔脷😋服務好好，侍應有禮貌又細心，見我哋傾得耐會主動換碟加茶，份量足又抵食，下次家庭或朋友聚餐一定會再嚟！