黑門水產すいさん (棉登徑)

平時經過呢間黑門水產都好想試吓，因為有朋友食過都話好好味，今日放假特登去尖沙咀行街，順便試吓呢間黑門水產。地點都好易搵去尖沙咀棉登徑8號，K11商場對面。去到舖頭門口，比我嘅感覺好有日式風情，舖頭入邊嘅裝修完全同日本嘅居酒屋一樣，好似置身咗日本黑門市場。黑門帆立貝伴魚子醬 帆立貝相當飽滿，望落去色澤好新鮮，肉質非常爽口彈牙，口感好厚實，鮮甜嫩滑，加上魚子醬但有少少鹹香鮮甜味，兩者配合一齊，令到鮮甜味更加突出，加上少量魚子，海膽，全部都係好鮮嘅味道，鮮味層出不窮。黑門令蟹味噌甲羅燒 呢個簡直係必食嘅推介 ，新鮮嘅蟹肉，蟹籽，鵪鶉蛋，混合，店員即場為你燒製，未食已經聞到好香嘅蟹膏味。新鮮熱辣香氣撲鼻，食一口甘香嘅蟹膏，完全愛上咗佢。配上梳打餅一齊食，口感又再提升。真係好好味。極上大漁貝燒店員即埸燒製，帆立貝大大隻好厚身，配埋新鮮嘅蝦同蠔，濃郁嘅鮮味，加上有啲牛油香料調味，食得出食材好新鮮，味道好鮮甜。好感真係好正。黑門令龍蝦湯煮海鮮亦都係即點即煮，海鮮湯有蝦，蠔，螺肉，金菇，將海鮮嘅精華濃縮晒入個龍蝦湯，整個湯超級鮮甜，飲一啖已經愛上咗佢玫瑰梅酒 味道清甜帶少少酒香，食新鮮嘅食材，飲少少酒