黑木 (已結業)

男朋友知道我鍾意食串燒，所以就一早book了位到這間（黑木）食串燒Omakase,店內裝修簡約帶點日本風格，入座後就有廚師發板安排今日的美食。燒鱈魚乾每條食落都脆卜卜，好香口，配啤酒一流！干魚仔沙律裏面有紅蘿蔔片，雜菜和三條魚仔，魚仔燒至微焦好香脆，再加入師傅特製的木瓜蓉醬，味道清新開胃👍三款小食最喜歡特別是燒白子，白子口感軟綿綿，再配上醋和薑絲，酸酸地口感不錯。免治雞肉棒這個食法很特別，是將免治豬肉整成一串再沾上蛋汁一齊食，本身豬肉都會有秘製的醬汁，再加入蛋汁味道更加豐富，多了一份蛋香。牛舌拖羅牛味香濃又有嚼口，一啖青椒一啖牛舌再加埋秘製醬汁非常惹味！油揚蟹肉配上蟹膏醬這個食法配搭得很好，油揚燒完再放上已經拆好的蟹肉配上蟹膏醬不用任何調味料，原汁原味已經食到蟹的味道！燒雞肝/雞心雞肝比起想像中嫩，而且燒得好香，醬汁甜甜地，好好食！雞心燒得不會太乾身，簡單加了檸檬汁做調味，食落爽口又開胃😋昆布清湯烏冬烏冬煙煙韌韌，湯底清甜！西班牙冧酒燒菠蘿🍍菠蘿好新鮮又多汁，加了焦糖來燒，食落脆脆地好Juice！另外仲有小丸子配十勝紅豆，紅豆蓉甜甜地好滑質感再加上小丸子一齊食，正😋