影片
更多
2021-08-21
2373 瀏覽
餐廳：炭火地雞 (銅鑼灣)地址；銅鑼灣登龍街28號永光中心25樓唔知大家有無食過激安燒肉工房或者驚安燒肉商店呢🥩？老闆最近5月喺銅鑼灣開咗一間新嘅餐廳——炭火地雞💛，聽個名就知佢哋喺主打備長炭燒嘅本地雞肉啦🐓餐廳位於鍋鑼灣永光中心25樓，餐廳環境幾有feel，位同位之間嘅間隔唔錯，privacy都算高。所有串燒都喺炭燒，除咗雞之外仲有牛、豬、魚🐟、蔬菜🍆，亦有多款沙律主食，清酒都喺餐廳嘅主打呢🍶，有超過30款吟釀選擇，同朋友嚟吹水deep talk慶祝都一樣咁適合🪅炭火地雞仲做緊7:15pm前離座同9:30pm後入座嘅7折優惠🤑，唔鍾意同人逼，又唔介意early dinner/late dinner嘅就唔好錯過呢個優惠喇炭燒雞有12個部位可以揀，我分別叫咗雞腿($39)、雞腹肉($38)、雞心元($39)、雞肝($39)同免治雞肉棒($39)。一坐低店員就放低咗一個有前菜、附有芥末、柚子胡椒、七味粉、檸檬🍋、青檸等嘅石盤比客人裝串燒🍢，當然所有串燒都已經醃製過或者夠惹味，其實唔需要蘸任何醬料都已經好好食🤤眼腿即喺雞髀肉，呢個部位喺雞活動量最多嘅，所以肉質彈性最強😋；雞肝未必個個人都鍾意
地址；銅鑼灣登龍街28號永光中心25樓
唔知大家有無食過激安燒肉工房或者驚安燒肉商店呢🥩？老闆最近5月喺銅鑼灣開咗一間新嘅餐廳——炭火地雞💛，聽個名就知佢哋喺主打備長炭燒嘅本地雞肉啦🐓
餐廳位於鍋鑼灣永光中心25樓，餐廳環境幾有feel，位同位之間嘅間隔唔錯，privacy都算高。所有串燒都喺炭燒，除咗雞之外仲有牛、豬、魚🐟、蔬菜🍆，亦有多款沙律主食，清酒都喺餐廳嘅主打呢🍶，有超過30款吟釀選擇，同朋友嚟吹水deep talk慶祝都一樣咁適合🪅
炭火地雞仲做緊7:15pm前離座同9:30pm後入座嘅7折優惠🤑，唔鍾意同人逼，又唔介意early dinner/late dinner嘅就唔好錯過呢個優惠喇
炭燒雞有12個部位可以揀，我分別叫咗雞腿($39)、雞腹肉($38)、雞心元($39)、雞肝($39)同
免治雞肉棒($39)。一坐低店員就放低咗一個有前菜、附有芥末、柚子胡椒、七味粉、檸檬🍋、青檸等嘅石盤比客人裝串燒🍢，當然所有串燒都已經醃製過或者夠惹味，其實唔需要蘸任何醬料都已經好好食🤤
眼腿即喺雞髀肉，呢個部位喺雞活動量最多嘅，所以肉質彈性最強😋；
雞肝未必個個人都鍾意，除咗喺內臟，口感亦較獨特，黏粘軟軟而且充滿濃烈香氣，脂肪較多，難得入到炭燒雞店我緊喺要試吓，新鮮又優質嘅雞肝就好似呢舊咁無咩腥味；最特別嘅喺雞心元，即心臟同內臟連接嘅筋位，入口爽脆有韌度，介乎雞軟骨同雞腿肉之間嘅口感，加咗香蔥仲香咗好多同無咁油膩，真喺要試😍
✝️厚燒和牛崩沙腩 $88
崩沙腩即喺牛隻橫隔膜附近嘅腩肉，仲要用上和牛級數嘅牛，因為有塊薄嘅軟膠質，所以就算燒熟都唔會好韌👍，爽軟得嚟肉汁鮮甜，令人回味😌
✝️煙燻雞火腿他他 $88
仿照日式做法🇯🇵，以日本雞肉刺身整成他他，配以香蔥、洋蔥絲🧅、芥末、生雞蛋🥚、蘿蔔苗同秘製醬汁，
撈勻之後放喺紫菜上面夾住嚟食，口感豐富，濤味無窮，喺餐廳嘅熱門菜式之一
✝️萬願寺青椒 $38
萬願寺辣椒所指嘅喺京都府舞鶴市内鄰近區域入面，由特定農家栽培出嚟嘅辣椒，因為食落唔辣，味道又似青椒🫑，所以又叫萬願寺青椒。除咗比一般辣椒大條，肉質豐厚，仲有鮮豔嘅綠色，食起嚟肉質緊緻甘甜，蘸埋雞肉味噌醬就更好味😚
✝️時令蛋糕 $68
最後食咗件cake，喺藍莓忌廉蛋糕🫐，面頭同中間仲食到藍莓碎粒，仲加入咗藍莓醬、藍莓cream同朱古力醬去增加蛋糕嘅口味，呢餐好滿足🥰
✝️青檸串串梳打 $42
將兩粒青檸切半，用竹籤串起，放入梳打水入面，飲落有清新青檸香，食完串燒飲嚟解渴一流💦
張貼
