15
0
0
港鐵銅鑼灣站 B 出口 繼續閱讀
電話號碼
98087581
營業時間
今日營業
18:00 - 23:00
星期一至日
18:00 - 23:00
付款方式
Visa Master 現金
食評 (15)
雖然香港的串燒店不勝枚舉,但大多數都是用電燒烤爐或普通木炭,近年愈來愈多日式餐廳改以備長炭製作串燒,特點是燃燒溫度夠高而且火力均勻,更能鎖住肉汁之餘亦增添多一份炭香。銅鑼灣新開張的炭火地雞顧名思義主打雞肉串燒,同樣標榜用上備長炭,除了十二款用上本地及日本雞肉的雞類串燒之外,亦有豬、牛、蔬菜、沙律等,選擇不多但勝在有比較特別的雞心元、和牛崩沙腩等部位。親子丼 ($75) 炒蛋嫩滑細緻,保留適量蛋汁拌飯一流,難得雞肉亦保持鮮嫩彈滑,另外更會配上一杯以雞骨熬製而成的高湯,不過味道比想像中清淡得多。炭燒鱔玉子丼 ($128) 將鱔塗上燒汁烤得入味,雖稱不上相當肥美但肉厚且不帶細骨,不過醬汁鹹度實在太高,同時亦令魚味蕩然無存,不過連同紫菜、蟹子及蛋黃拌飯後仍不失滋味。免治雞肉棒 ($39) 當中混有少量軟骨口感豐富,醬汁香甜再蘸上生雞蛋更為滑潤。雞肝 ($39) 及雞心 ($39) 均不帶絲毫內臟腥味,個人特別喜歡雞肝之軟滑綿密。雞腿 ($39) 製成一口大小的無骨雞卷皮脆肉嫩。雞翼 ($34) 簡單加鹽燒至雞皮焦脆,肉汁豐富。牛舌 ($66) 質感爽彈之餘油香四溢。 繼續閱讀
(以上食評乃用戶個人意見 , 並不代表OpenRice之觀點。)
💛Yakitori25·呢間我之前見IG間佢真係用炭燒 好似好legit咁就去 但係原來佢係係入邊燒既 所以係睇唔到佢表演🤣🤣·免治雞肉棒 l 雞腿 l 雞心元 l 雞心 l 雞肝 $39雞腹肉$38 l 雞頸$36雞腎 l 雞軟骨 l 雞翼 l 雞皮$34因為我地見佢專門食雞 所以我哋就將menu上面所有雞都嗌左一串 除咗個雞尾😈😈我自己覺得佢嘅雞腎 雞軟骨同雞翼做得比較好食😌呢3個佢燒得脆啲 而且口感好啲 不過唔知係咪因為佢冇搽醬汁嘅原因 我覺得佢整體偏乾少少🤔同埋佢呢度嘅內臟係偏淋身既 而且有啲粉粉地咁 我自己一般般🙊🙊·炭燒鱔玉子丼$128因為我哋一開始唔知就咁食串燒夠唔夠飽 所以就嗌左呢個 但係原來就咁串燒都好夠🤣我覺得佢呢個幾好味 佢個鱔肉質好彈牙 而且超級大條 我自己覺得出色過啲雞添 而且佢啲醬同埋蟹籽撈飯都幾好食😈不過佢就比較多細骨 所以大家食嘅時候要小心啲😌😌·豚五花腩蘆筍卷$38 l 田樂燒茄子$36 l 杏鮑菇$27因為我哋已經嗌咗好多雞 所以其他我地就咁試咗一兩串😗佢個蘆筍卷都唔錯嘅 不過個豬肉就偏乾左少少 之後佢個茄子同杏鮑菇都幾好味 幾juicy😎😎·#rbyeat#rby港式#rby💛#rby灣仔·📍銅鑼灣登龍街28號永光中心25樓 繼續閱讀
(以上食評乃用戶個人意見 , 並不代表OpenRice之觀點。)
雞呀!我全都要!平時食雞肉好似都係雞翼、雞胸、雞髀、雞軟骨,好似無乜新意。想食得勻鑽少少?例如雞腹肉、雞皮、雞頸、雞肝、雞心、雞心元、雞腎、雞尾,呢炸平時好少特登去食既,一一都可以係「炭 火 地 雞」搵得到。呢到主打Yakitori炭火烤雞,咁姐係咩呀?一句講哂,通透囉姐係!👇📌ぜ ん さ い -▪ レ バ ー パ ソ - $88▪ 煙燻雉·ハムユッケ - $88▫ 一黎先整返個「雞 肝 醬」基本野啦,雞肝味道夠哂香濃幼滑,配上即烘多士將口感就最fit;而接下來既「煙燻雞·火腿他他」,用上日本真空直送既雞火腿,staff好有心機教我地將蛋黃、蘿蔔苗、子薑絲先撈勻,再將紫菜包住連埋一齊食,咁樣除左有雞火腿本身既滑溜感外,成個層次會更豐富,相當好食!📌焼 き 鳥 -  ▪ も も - $39▪ レ バ ー - $39▪ ぼ ん じ り - $35▫ 係時侯輪到今日既重頭戲「備 長 炭」發揮啦,我地先黎主攻雞肉先,橫掃「雞 腿 肉」、「雞 肝」、「雞 尾」。每一串燒得金黃香脆,油香十足,肉質又夠juicy;配埋自家製香料,份外惹味。▪ は つ - $39▪ ハ ツ - $39▪ い か だ - $34▫ 跟住落黎仲有「雞 心」、「雞 心 元」、「雞 翼」,雞心同雞心元比我想像中無果種腥味,反而濃香指數爆燈;加上店主真係用真炭燒,所以全部入口都有淡淡既炭香,又唔會太鹹;值得一提係staff會安排個空既拼盤,上面放左醬汁同埋合桃,方便我地擺多款串燒,呢種貼心既待客態度值得嘉許。▪ つ く ね - $39▫ 最後既燒雞肉環節就由「免 治 雞 肉 棒」做個結尾啦,雞肉棒入口相當鬆化,口感嫩滑之餘;點上月見汁蛋香十足,瞬間幸福感up了!📌串 焼 き -▪ 豚バラ · アスパラ卷 - $37▪ 厚切り和牛 · ハラミ - $88▫ 試完雞無理由唔試埋豬同牛咖,呢個「豚五花腩·蘆筍卷」豚肉肥瘦相間,裡面既蘆荀完全吸收哂油香,但食落又唔會太油膩,恰到好處;而「厚燒和牛·崩沙腩」燒既熟度岩岩好,食落有明顯層次,肉質鬆軟完全唔韌,好食!📌サラダ/揚物/おにぎり -   ▪ ポテトサラダ - $68▪ 大手羽先·甘唐揚げ - $48▪ バジル巻·きおにぎり - $48▫ 想再飽d?佢地仲有一系列唔同居酒屋必備既小食,例如係「薯 仔 沙 律」啦,同平時好唔同,原來師傅會將煙燻製既日本雞蛋擺埋一齊,仲要係流心,所以食落有另一種香味,夠哂特別;而「甘口唐揚·炸雞翼」表面既天婦羅炸粉非常薄身,口感鬆脆之餘唔會太鹹,配埋sake就無得輸啦;「紫蘇卷·飯團」燒到飯粒微微焦香,食落好有咬口,唔錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-20
0 瀏覽
🐓新開日本料理餐廳, 主打備長炭燒雞肉串燒 (YAKITORI), 用備長炭以高溫炭燒方式烹調, 雞肉串燒帶有碳香味, 係日本嘅味道🇯🇵即烤雞肉串燒款式超多, 有雞腿、雞皮、雞頸、雞翼、雞軟骨等等, 比較少見嘅燒雞肝、雞心、雞尾等等都有! 除咗有炭火烤雞肉串, 仲有炭火烤豚肉、炭火燒白鱔等等串燒會放上一隻放有幾種調味料嘅碟上, 附上嘅調味料包括有柚子胡椒、唐辛子粉、黃芥末、檸檬及青檸。《雞類串燒推介》雞肝 - 質感好軟滑, 加上燒汁, 甜甜地。免治雞肉棒 - 啖啖肉, 帶一點爽口嘅口感, 配日本雞蛋黃一齊食, 好味😋《牛類串燒推介》厚燒和牛崩沙腩 - 燒到外皮有少少脆, 內裏充滿肉汁, 牛肉味濃, 有油脂香, 咬落肉質軟嫩又juicy!牛舌串燒 - 爽口彈牙, 完全唔韌, 調味調得啱啱好!最後食埋個濃香雞湯溫素麵, 細細碗, 上面嘅蛋花好嫩滑, 雞湯味香濃。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-19
0 瀏覽
永光中心內嘅炭火烤鷄串燒店『炭火地雞』,餐廳裝潢走型格路線,座位比一般串燒及居酒屋闊落,又唔會一陣油煙燒烤味,適合一班人聚會。炭火地雞主打日式雞串燒,可以食到雞唔同部位及內臟,包括:雞腿肉、雞軟骨、雞皮,連較為少見嘅雞肝、雞心、雞頸、雞心元、雞腎、雞尾都有。除咗雞之外,亦有牛肉、豚肉串燒以及少量主食選擇。雞肝($39)雞皮($34)薄切和牛崩沙腩($78)牛舌($66)雞肝唔會烤得太熟,食落保留嫩滑口感,入口唔腥。不過雞皮則略嫌燒得較乾身,牛舌調味亦稍鹹。薄切和牛崩沙腩係牛嘅橫隔膜,較為罕見稀少,值得一試。免治雞肉棒($39)免治雞肉棒嫩而多汁,入面加咗雞軟骨,食落爽脆有咬口,蘸上鮮黃嘅蛋汁,口感順滑!豚五花腩牛油果卷($39)豬肉鹹香烘托出牛油果嘅味道,五花腩嘅爽口亦同牛油果嘅軟綿造就出豐富嘅口感,頗有特色!濃香雞湯溫素麵($75)麵條用料唔錯,口感好滑,雞湯味道清香無添加,不過份量較為迷你,蛋太熟唔夠滑,有改善空間。炭燒鱔玉子丼($128)炭燒鱔大大塊,肉質爽口彈牙,加埋蛋香十足嘅雞蛋以及爽口嘅蟹籽,味道豐富。鱔玉子丼仲會配雞湯一碗,雞湯奶白色,鮮甜濃稠!整體而言,串燒價錢偏貴,質素正常,但坐得舒服,都適合gathering。 繼續閱讀
(以上食評乃用戶個人意見 , 並不代表OpenRice之觀點。)