華小料理屋 (已結業)

新一年同屋企人食飯就book咗一間位於銅鑼灣日本餐廳，這裏的刺身和牛肉壽喜燒比較出名👍餐牌上亦有三款套餐，我們就點了「竹」套餐。季節前菜九點盛有汁煮鮑魚、合鴨大蔥煮、九州芝麻高菜、和牛他他、牡蠣時雨煮、忌廉蟹肉冷奴、水雲酢物、油漬三文魚和物粒味噌胡瓜🤤款款賣相不錯，特別最鍾意食和牛他他，生牛肉醃製咗之後入口好鮮嫩，有汁煮鮑魚，鮑魚好爽口，蠔肉脹卜卜好新鮮，其餘食物都好好食😋刺身四點有海膽、三文魚、牡丹蝦和海膽，刺身大大盤，色澤好新鮮，三文魚好肥美，海膽份量好多入口好幼滑，牡丹蝦好爽甜，帆立貝色澤晶凝通透，好清甜🤤🤤🤤蟹味噌甲羅燒蟹蓋入面有蟹膏同蟹肉，蟹膏味道香濃加入蟹肉一齊食，鮮味十足，放咗少量蟹籽口感更加有層次👍熊本白豚肉豚肉油脂分佈平均，肉味香濃，入口十分之細嫩👍澳洲和牛壽喜燒職員服務好好親自為我們烹調牛肉，牛舌和蔬菜🥬令到火候控制得宜，先將洋蔥炒香，然後再加入醬汁燒牛肉，牛肉好香好鮮嫩多汁，沾上雞蛋令到牛肉更加滑🤤牛舌呈粉嫩包，好爽口👍讚岐烏冬烏冬好幼細，入口煙煙韌韌，吸入湯底，一條接一條好好食😋