-
日本A3和牛壽喜燒鍋
-
壽喜燒
-
甜品
-
前菜三點盛
-
飛驒牛+7
港鐵銅鑼灣站 B 出口, 步行約3分鐘
繼續閱讀
電話號碼
28955677
營業時間
今日營業
12:00 - 14:30
18:00 - 22:00
星期一至日
12:00 - 14:30
18:00 - 22:00
以上資料只供參考, 請與餐廳確認詳情
食家推介
相關文章
銅鑼灣登隆街一向係食街，好多餐廳林立，最近就試左間超值日式Sukiyaki! 餐廳好易搵係地鋪。門口打造淺木日系設計，餐廳入面還見有一間獨立房，空間舒適可坐到約6人。lunch time 見到有好多選擇，很多款定食Around $1xx ~2xx 包括刺身飯🍣，一夜干🐟，A3和牛🐮等等，可以按自己喜好選擇牛產地，部位，去揀個最想食既餐！我地比 壽喜燒御膳二人前 所吸引， 因為只需要$398就可以食到😋🍲壽喜燒御膳二人前🥓跟餐會有季節小鉢，2款漬物作為開胃菜，還有蒸蛋，白飯，味噌湯。最重要的當然是肉肉🥓，包括了幾種高品質的和牛和肉眼：🩵日本黑毛和牛稀少部位🐮壽喜燒御膳的一個亮點⭐️稀少部位的黑毛和牛具有優雅的紋理和濃郁的脂肪，入口即溶令人回味，應該是套餐中最昂貴的食材。🩵大三角🐮大三角是指牛的肩胛肉，有豐富的肉汁和柔軟的質地。🩵澳洲純和牛🐮澳洲的純種和牛，油花脂肪分佈好均勻，肉質頗幼嫩，建議所有牛都煮約5成熟，粉粉嫩嫩的入口最佳。🩵美國極黑和牛🐮再試美國的高品質和牛肉，同樣有不錯的花紋和豐富的脂肪，口感豐潤，舌尖上的味感。🩵美國肉眼🐮肉眼是一種經典的牛排🥩部位，比較富有牛肉味和嚼勁。值得一提，壽喜燒入面還有大量蔬菜🥬，有花菇🍄，竽絲，豆腐，金菇，洋蔥，全部都融入了壽喜燒汁好香濃，又可以解下膩。總結來說，每人只需$2xx 就有和牛壽喜燒，可以食到咁多款高品質靚牛🐮又豐富，價格非常合理，這間係必回頭之選💯📍華小料理屋 (銅鑼灣)銅鑼灣登龍街1-29號金朝陽中心2期Midtown地下C號舖
繼續閱讀
cwb要搵食通常都會去登龍街🤪點知行過地鋪有間好有日本feel 既餐廳🇯🇵原來主打壽喜燒🔥以日式木系裝修有3張大卡位好寬落👍🏻仲有私人榻榻米包箱私隱度不錯 好適合聚會💬Lunch set黎計呢個價錢少貴 但食物質素不錯😈📍A3黑毛和牛壽喜燒鍋 ($288)SUKIYAKI SET: 前菜、漬物、蒸蛋、味噌湯、白飯、甜品、餐飲🥢Full set托盤上菜 打卡黎講都唔錯📸上枱3-5片A3牛肉係半生熟 🐮仲粉嫩粉嫩色 💓食落口和牛油脂分布很好👅無筋又唔膩點埋隻日本生蛋🥚成個牛肉滑嫩度 無得頂‼️和牛底下大量的蔬菜 : 豆腐、芋絲、金菇、花菇、洋蔥🧅洋蔥、芋絲吸哂湯底精華 唔算太咸～蒸蛋、味噌湯都係水準之內 整體真·大滿足🉐📍北海道魚生飯 ($208)魚生飯 SET：沙律、小食、味噌湯、素麵、甜品、餐飲🥢刺身：三文魚，油甘魚，生蝦，海膽，帶子、三文魚籽、蟹肉基本wasabi 同日本壽司飯都有~刺身好鮮甜新鮮🫶🏻 特別係海膽同生蝦🦐配埋壽司飯一齊食 幸福感上升😋素麵：蕎麥湯麵🍜 湯底都偏淡小食：炸雞🍗夠熱夠脆甜品：牛乳奶凍🐄 好濃奶香味😍 夠動L餐飲：包普通檸茶、檸水、咖啡————————————————————味道😋：7/10抵食🥳：7/10環境🥂：7/10
繼續閱讀
自從上次食過黑毛和牛之後就迷上左🙈 早兩日同老細出港島開完會之後，上openrice搵到呢一間日式餐廳🇯🇵🏯 餐廳內部：Menu:▫️壽喜燒御膳（$168 - $288）根據大家想揀不同嘅肉類品種而價錢有所不同😌 由$168既美國黑毛安格斯肉眼、SRF極黑和牛沙巴當、澳洲純和牛肩胛、日本黑毛和牛稀少部位、去到最貴$288既日本A3黑毛和牛，大家可以視乎想食嘅和牛產地、部位、預算而去選擇🍽️每個SUKIYAKI SET都包咗前菜、漬物、蒸蛋、味噌湯、日本米白飯、精選甜品 & 餐飲🫶🏻 雖然午餐接近$300事實上係有啲貴，但食物質素絕對對得起個價錢🥹👏🏻 來自日本嘅和牛因為比起外國出產嘅和牛脂肪比例更高，所以本身肉質相對地嫩滑，一黎無筋，二黎加上用壽喜燒熱湯慢煮嘅方式去烹調，牛質就又滑口🐮 建議煮至半生熟，牛肉仍然保持少量粉紅色嘅程度就好從熱湯入面拎出黎🫶🏻 真係超好味🤤🥩而且壽喜燒鑊裏面有大量蔬菜，有花菇、豆腐、芋絲、金菇，不得不提煮至入味又好清甜嘅洋蔥🧅!!! 至於蒸蛋香滑之餘海鮮味都幾濃，味噌湯加入咗昆布同埋豆卜絲去豐富咀嚼口感🍲 最後精選甜品係相當有誠意嘅牛乳布甸，牛奶味比起一般食過嘅3.6牛乳更重，幾飽都要食晒！😈😈
繼續閱讀
消費券出咗可以放肆咁食食食😎 當日同條佬去到登龍街食lunch，呢間日式門面嘅「Hana 華小料理屋」成功吸引到我哋眼球，Menu價錢亦都合理👀 入到去被安排去卡位坐，座位寬敞舒適，燈光柔和，都幾有feel～ 餐廳入面更設塌塌米房間，房間入面有2張木枱可以容納8個人，私隱度幾高😌當日嚟到係星期六，有唔同款嘅lunch set選擇，有定食御膳、石燒、同鍋物，仲有期間限定「夏日祭御膳」， 我哋左揀右揀，有諗過各自叫一個set，不過最後就揀咗食壽喜燒御膳二人前😆♥ 壽喜燒御膳二人前 $398一個set包括季節小缽、兩款漬物、茶碗蒸、壽喜燒鍋、白飯、味噌湯、甜品及飲品，呢個價錢嚟講食得過喎🤭店員率先送上前菜及味噌湯，茶碗蒸內有蝦、冬菇同銀杏，個蛋滑溜鮮嫰👍🏻鍋內放滿蔬菜，有豆腐，金菇、洋蔥、娃娃菜、大啡菇等，加咗醬汁煮到沸騰，就可以落牛肉😎 係關東風嘅壽喜燒煮法～牛肉有四款，日本黑毛和牛稀少部位、澳洲純和牛、美國極黑和牛及美國肉眼🐂☞ 日本黑毛和牛稀少部位油花綿密細緻，網狀油花超誘人😍 入口軟滑🤤 呢個部位近乎入口即化，肉質鮮嫩又不失牛香👍🏻☞ 澳洲純和牛呢款比日本黑毛和牛，有咬感且唔膩口，脂肪分布均勻，肉香濃郁！雖然油香不及日本黑毛和牛，但勝在肉汁豐富🐂☞ 美國極黑和牛油花豐富，肉質紥實，軟嫩適中，食落帶些少甜味，呢款肉汁都夠，牛香唔輸澳洲純和牛😎☞ 美國肉眼雖然脂肪較少，但唔嚡口無筋👌🏻 呢款肉同樣係肉嫩多汁，肉質纖維厚些少，有咬感～ 牛肉沾上蛋汁後更滑溜😛♥ 甜品甜品係北海道牛乳布丁，牛奶香濃厚，口感柔順軟滑，唔會太甜🥛💬 總結性價比的確幾高，lunch set牛肉質素亦唔錯！
繼續閱讀
星期六同朋友係銅鑼灣上完堂，太肚餓就立即去食lunch，係銅鑼灣自然就去登龍街搵嘢食啦，登龍街好多餐廳選擇，見到一間門口就已經好有日本feel 既餐廳，自然就被吸引過去，原來餐廳是主打壽喜燒的，見唔錯就開門入去食。餐廳以日式木系裝修，空間感足夠，卡位就更見寬落，同朋友研究咗一輪，決定每人叫一個set lunch，咁大家就可以share 黎食，樣樣都試吓~ Lunch set 會有前菜、漬物、麵豉湯、蒸蛋及白飯，另有咖啡/茶及甜品😋🥢A3黑毛和牛壽喜燒鍋 揀咗A3黑毛和牛set，餐點以托盤送上，上枱時牛肉還是半生熟的，看得出牛肉粉嫩的顏色，A3 grade 和牛油脂分布剛剛好，有適量油脂，但又唔會太肥，食多幾片都唔會覺得膩，肉質嫩滑，牛肉味又足夠，整體好balance，鍋內另有充足蔬菜，配埋一齊食最啱! 🥢石燒SFR極黑和牛沙巴當 朋友就選擇石燒，揀咗SFR極黑和牛沙巴當，極黑和牛是美國和牛，是將日本和牛與美國頂級安格斯黑牛繁殖出產的品種，而SFR (Snake River Farms)則是當中最聞名，美國極黑和牛有日本和牛的細緻，又有美國安格斯牛的濃厚肉味，而SRF 就更優質，所以石燒就揀咗SFR 黎試吓 餐廳有一個石燒爐仔跟餐上，沙巴當上枱時已經半熟，客人可按自己喜好再加熱。極黑和牛果然名不虛傳，朋友喜歡熟一點的牛肉，但即使如此，入口時還軟腍細緻的，牛肉味濃郁，香、且帶點牛肉的香甜味，整體非常出色👍🏻飯後還有甜品及咖啡，當中的北海道牛奶布甸好好味，奶香味重又夠滑，非常完滿的一餐👍🏻飯後還有甜品及咖啡，當中的雞蛋布甸好好味，有蛋香又夠滑，非常完滿的一餐👍🏻
繼續閱讀