影片
更多
2023-05-02
66 瀏覽
琴日book左18:30枱，因為塞車關係，攪到18:45先到，店員完全無黑面，仲即刻帶我地坐低，沿路同我地介紹佢地嘅招牌菜，等我地可以慳番啲睇餐牌既時間，18:56極速落第一次單 我仲心諗死啦，20:00要交枱，啲嘢食都唔知黎唔黎得切，點知19:15分野食已經黎齊，上菜嘅時候係有一位好高大大隻哥哥幫我上，勁好禮貌，慢慢同我介紹啲串燒，叫我慢慢食，完全食得無壓力，因為小弟食野比較慢，食到19:50分都仲有串牛舌，我見仲有十分鐘交枱，諗住舉手埋單，點知就係個位好高大又大隻既哥哥就行過黎見我仲有一串牛舌未食，叫我慢慢食埋佢，交枱唔急，佢真係好好人，咁我就慢慢食埋串牛舌佢，埋單504蚊，平！見之前有個post應該係話個位高大哥哥，吹交枱，我諗應該有誤會，呢間極度推介，環境舒適，侍應態度極好
張貼