影片
更多
2024-01-27
339 瀏覽
上次阿妹生日同佢去左食高級日本餐廳，返到屋企大少就呷醋了，所以趁佢經過半個月嘅辛苦考試，所以就同佢嚟食個超豐富晚餐，等佢開心一下。其實除左覺得好食同服務好之外，餐廳嘅簡約木系設計都令我覺得好舒服，原來夜晚配上柔和燈光更加有feel呀！餐廳都有提供Omakase menu，不過最後因為見到個好吸引嘅蒸籠鍋，所以我地就單點幾款食物。先嚟前菜 帆立貝大根沙律 ，鮮甜嘅帆立貝加上爽口嘅大根絲，口感唔錯而且感覺好清新開胃。再嚟 冷鮑魚配松露醬 ，原隻大鮑魚薄切成片，鮑魚超鮮味之餘仲好腍滑，感覺就似入口即化。單吃就已經覺得好好味，再沾上特別嘅松露醬就更加好食，估唔到松露醬同鮑魚係咁夾，可以更加帶出個鮮味。 精選拼盤(10貫) ，十件壽司係由師傅根據時令嚟整，所以十款壽司都係好吸引，每件都係好新鮮，我個人就最鐘意 松葉蟹肉蟹膏壽司、拖羅壽司、海膽壽司、金目鯛壽司。最特別係每件壽司飯都係細細舊，咁就可以更加食到各種魚生嘅鮮味。是日晚餐MVP就一定係A5和牛蒸籠鍋，店員姐姐將成個蒸籠放枱面，然後幫我地即蒸，只需要幾分鐘和牛就剛剛蒸熟食得。大大片嘅A5和牛油脂紋理鮮明，以蒸嘅方法就更加原汁原味，肉質軟熟得
其實除左覺得好食同服務好之外，餐廳嘅簡約木系設計都令我覺得好舒服，原來夜晚配上柔和燈光更加有feel呀！
餐廳都有提供Omakase menu，不過最後因為見到個好吸引嘅蒸籠鍋，所以我地就單點幾款食物。
先嚟前菜 帆立貝大根沙律 ，鮮甜嘅帆立貝加上爽口嘅大根絲，口感唔錯而且感覺好清新開胃。
再嚟 冷鮑魚配松露醬 ，原隻大鮑魚薄切成片，鮑魚超鮮味之餘仲好腍滑，感覺就似入口即化。單吃就已經覺得好好味，再沾上特別嘅松露醬就更加好食，估唔到松露醬同鮑魚係咁夾，可以更加帶出個鮮味。
精選拼盤(10貫) ，十件壽司係由師傅根據時令嚟整，所以十款壽司都係好吸引，每件都係好新鮮，我個人就最鐘意 松葉蟹肉蟹膏壽司、拖羅壽司、海膽壽司、金目鯛壽司。最特別係每件壽司飯都係細細舊，咁就可以更加食到各種魚生嘅鮮味。
是日晚餐MVP就一定係A5和牛蒸籠鍋，店員姐姐將成個蒸籠放枱面，然後幫我地即蒸，只需要幾分鐘和牛就剛剛蒸熟食得。大大片嘅A5和牛油脂紋理鮮明，以蒸嘅方法就更加原汁原味，肉質軟熟得嚟仲超濃牛味，可蘸上蛋漿就更加好味。唔好漏左底部嘅菜、豆腐同菇菇，吸左和牛嘅肉香，所以都一樣係好好味。
最後就嚟個 松葉蟹肉溫泉蛋配胡麻醬冷烏冬 ，蟹肉溫泉蛋拌勻冷烏冬一齊食，滿滿新鮮嘅蟹肉同蛋漿掛滿彈牙烏冬，口感都真係好豐富。
原本都打算食個雪糕，不過我地真係食得太滿足，個胃都冇位置了，所以留返下次再嚟食過啦！
張貼
