鮨廷 (已結業)

今日dinner 自己一個人，諗起有間立食餐廳一直好想試，所以就黎到金馬倫道上既一間立食壽司店～～聽講食材係每日由日本直送香港，而且價錢係平時 omakase 既一半，好抵！！一黎到先自助添加玄米茶～之後叫左個＂本鮪壽司盛合＂，包括有：大拖羅、中拖羅、赤身、辣吞拿魚同蔥拖羅手卷！！呢個組合$150~其實都幾抵，可以一次過試多款吞拿魚既部位!!大拖羅魚味係最濃郁，又肥美，賣相好得！中拖羅都唔錯，而辣吞拿魚軍艦既辣醬好特別，又幾香口，魚肉粒都肥美咖！！蔥拖羅手卷唔好講笑，非常足料，入面好多拖羅蓉，好中意～OVERALL 我覺得好正，必試！！