牛県

營業中

休息中

荃灣西愈黎愈多野食，行完紗廠過黎食dinner就perfect 。哩間喺哩區都幾高人氣，之前黎食過一次，今晚又燒起想食牛既心喇。叫左二個店員推介既牛部位，加$30升級左做set，有汽水、沙律、湯、飯等五選三。個沙律有西瓜、哈蜜瓜同用上柚子醋，口感清新。每款牛可選一款特製醬汁，咁我地各一，阿根廷青汁同紅酒牛肉汁，一濃一清新，雙重滋味。叫左牛側腹扒同小牛柳，各200g，上枱時肉質大約4成熟，牛側腹哩個部位肉味濃厚，而小牛柳就肉質好林。一上枱可見肉質粉嫩，好juicy。薯條是牛扒的最佳配搭呀！朋友叫左個飯食，佢食完超飽。南瓜湯好飲，大家可揀哩個。