影片
更多
2023-03-06
45 瀏覽
經歷咗三年嘅帶口罩時期，政府一取消帶口罩，我哋就即刻去食餐好去慶祝一下，毫無懸念，食餐好我一定會去焱丸水產，除咗地理位置方便之外，佢佢嘅食物質素同埋個餐廳氣氛我都比好高嘅分數。經過上次嘅經驗之後，我發現嚟呢間餐廳一定要訂位，如果唔係真係有排等，首先我哋嗌咗個刺身拼盤先，真係要賀一賀佢，三文魚腩，油甘魚刺身，同埋赤背呢個組合真係冇得輸。首先三文魚腩，非常之肥美，一咬落去所有嘅魚油都擁晒出嚟，另外赤背都好鮮甜爽口。之後我就嗌咗個，我每一次嚟都會食嘅野，野菜天婦羅，有炸冬菇，秋葵，南瓜等等，唔油膩之餘仲非常之香脆。襯其他嘢食仲未到，通常我哋都會食住個炸蓮藕片去間間場，鹹香鹹香嘅味道真係好啱一齊同朋友傾偈。之後重頭戲就嚟啦，我哋就嗌咗一個原味甲羅燒同埋芝士蟹肉甲羅燒，每一次都會有一個幸福嘅感覺，呢間嘅甲羅燒仲會加埋青瓜俾你撈埋一齊，唔會太膩之餘，仲要再有口感。另外燒鮑魚亦都非常之甜美，侍應幫我哋燒到恰到好處唔會太晏，咬落去亦都非常之有質感。另外嗌咗壽司盛盒，有海膽有帶子，不過不失，不過作為一間日本餐廳，一定要食返壽司先過癮。一坐就坐咗兩個鐘，最尾我哋仲嗌埋個和牛炒飯作結，佢個飯炒到粒粒分明，亦
經過上次嘅經驗之後，我發現嚟呢間餐廳一定要訂位，如果唔係真係有排等，首先我哋嗌咗個刺身拼盤先，真係要賀一賀佢，三文魚腩，油甘魚刺身，同埋赤背呢個組合真係冇得輸。首先三文魚腩，非常之肥美，一咬落去所有嘅魚油都擁晒出嚟，另外赤背都好鮮甜爽口。
之後我就嗌咗個，我每一次嚟都會食嘅野，野菜天婦羅，有炸冬菇，秋葵，南瓜等等，唔油膩之餘仲非常之香脆。
襯其他嘢食仲未到，通常我哋都會食住個炸蓮藕片去間間場，鹹香鹹香嘅味道真係好啱一齊同朋友傾偈。
之後重頭戲就嚟啦，我哋就嗌咗一個原味甲羅燒同埋芝士蟹肉甲羅燒，每一次都會有一個幸福嘅感覺，呢間嘅甲羅燒仲會加埋青瓜俾你撈埋一齊，唔會太膩之餘，仲要再有口感。
另外燒鮑魚亦都非常之甜美，侍應幫我哋燒到恰到好處唔會太晏，咬落去亦都非常之有質感。
另外嗌咗壽司盛盒，有海膽有帶子，不過不失，不過作為一間日本餐廳，一定要食返壽司先過癮。
一坐就坐咗兩個鐘，最尾我哋仲嗌埋個和牛炒飯作結，佢個飯炒到粒粒分明，亦都非常之多和牛，一啖飯一啖和牛，除咗幸福之外都唔知可以講咩。
張貼
