影片
更多
2023-03-14
48 瀏覽
今次嚟到上環一間穩世嘅omakasae，係酒店入面的日本餐廳，估唔到好有驚喜。我揀咗中價位嘅廚師發板，廚師非常好人，一路講解食物一路都有同我哋傾偈，唔錯嘅體驗！首先係前菜新鮮腐皮/海膽蟹膏豆腐/螢光魷魚前菜已經有海膽🤣擺盤非常靚，綠色嘅蟹膏豆腐師傅話原來係來自北海道嘅蟹，蟹味非常濃郁。腐皮好似飲緊豆漿咁，好濃郁嘅豆味🥹。而魷魚非常爽口彈牙，唔會好韌，加埋面頭嘅麵豉醬真係好開胃🥹櫻花蝦蒸蛋加咗柚子粉嘅蒸蛋食落更加清新，蒸蛋非常滑👍🏻岩手縣生蠔日本嘅生蠔唔算太重海水味，好大隻好creamy，即磨柚子粉就令生蠔冇咁漏爐魚 甜紫菜汁白身魚相較之下就較失色，魚味較淡，冇乜口感，但甜紫菜汁幾特別鱈魚白子炙燒過嘅白子加埋辣蘿蔔蓉一啲都唔腥，好鍾意佢加咗海葡萄，令口感更豐富，食完滑潺潺嘅嘢就有啲脆卜卜嘅嘢🥰玫瑰木薰鰹魚第一次煙燻嘅過程，睇廚師準備食材都係視覺嘅享受😍。鰹魚燒到皮脆，再加埋玫瑰木嘅香味，嚟多兩塊吖師傅🤣慢煮八爪魚食壽司之前最後一道菜，本身真係好怕八爪魚好韌，擦子膠嘅口感，原來慢煮又幾好食喎，仲有餐廳秘製嘅醬汁，令我對八爪魚嘅印象改觀終於到壽司喇😍深海池魚with烏魚子粉非常新鮮，好彈牙活
今次嚟到上環一間穩世嘅omakasae，係酒店入面的日本餐廳，估唔到好有驚喜。我揀咗中價位嘅廚師發板，廚師非常好人，一路講解食物一路都有同我哋傾偈，唔錯嘅體驗！
首先係前菜
3 瀏覽
0 讚好
0 留言
新鮮腐皮/海膽蟹膏豆腐/螢光魷魚
前菜已經有海膽🤣擺盤非常靚，綠色嘅蟹膏豆腐師傅話原來係來自北海道嘅蟹，蟹味非常濃郁。腐皮好似飲緊豆漿咁，好濃郁嘅豆味🥹。而魷魚非常爽口彈牙，唔會好韌，加埋面頭嘅麵豉醬真係好開胃🥹
櫻花蝦蒸蛋
加咗柚子粉嘅蒸蛋食落更加清新，蒸蛋非常滑👍🏻
岩手縣生蠔
日本嘅生蠔唔算太重海水味，好大隻好creamy，即磨柚子粉就令生蠔冇咁漏
爐魚 甜紫菜汁
白身魚相較之下就較失色，魚味較淡，冇乜口感，但甜紫菜汁幾特別
鱈魚白子
炙燒過嘅白子加埋辣蘿蔔蓉一啲都唔腥，好鍾意佢加咗海葡萄，令口感更豐富，食完滑潺潺嘅嘢就有啲脆卜卜嘅嘢🥰
2 瀏覽
0 讚好
0 留言
玫瑰木薰鰹魚
第一次煙燻嘅過程，睇廚師準備食材都係視覺嘅享受😍。鰹魚燒到皮脆，再加埋玫瑰木嘅香味，嚟多兩塊吖師傅🤣
1 瀏覽
0 讚好
0 留言
3 瀏覽
0 讚好
0 留言
慢煮八爪魚
食壽司之前最後一道菜，本身真係好怕八爪魚好韌，擦子膠嘅口感，原來慢煮又幾好食喎，仲有餐廳秘製嘅醬汁，令我對八爪魚嘅印象改觀
2 瀏覽
0 讚好
0 留言
終於到壽司喇😍
12 瀏覽
0 讚好
0 留言
深海池魚with烏魚子粉
非常新鮮，好彈牙
活北寄貝 同 活赤貝 配青檸汁
平時紅色北寄貝就唔會食啦，好韌🥲 活北寄貝就好食好多🤣師傅話原來整完壽司之後拍一拍佢會令佢神經收縮，令佢彈牙爽口好多
牡丹蝦
彈牙黏黏地嘅牡丹蝦，加埋勁香濃嘅蝦膏，仲有脆卜卜嘅櫻花蝦，簡直係味蕾嘅享受。
新鮮銀鱈魚
我會揀佢為是日MVP，第一次食新鮮銀鱈魚，原來口感係咁軟淋淋，啖啖魚油再加面頭嘅黑松露，唔捨得呑🥹
大拖羅
師傅同我講唔用豉油，用淡雪鹽真係驚好鹹，仲落到雪山咁😂 出嚟效果有幾夾，真係冇掩蓋到大拖羅嘅魚香🥰
8 瀏覽
0 讚好
0 留言
馬糞海膽
甜到爆炸，好想食多幾舊🤭
麵豉湯暖胃作結
最後唔少得甜品，開心果雪糕配福岡士多啤梨。雪糕上面嗰塊餅叫最終餅，就咁食淡口帶甘，但同雪糕一齊食就可以中和雪糕嘅甜。順帶一提雪糕碗雪凍過，非常細心！
成餐飯都食到師傅嘅心機，每個配搭同埋餐具都有背後原因，食咗好多嘢又學到好多嘢嘅一餐😍😍👍🏻
張貼
