喜多嬉牡蠣屋 (已結業)

慶祝拍拖周年，喺喜多嬉牡蠣屋訂咗位食生蠔放題😋重有日式懷石料理，好高質👍🏻時令海鮮湯🍲好鮮甜嘅海鮮味，記住趁熱飲，重可以夾返海鮮出黎食，有蝦、元貝同蜆。 味淋魚干煙靭有口感，配啤酒一流，好好嘅下酒菜！喜多嬉懷石八品😍賣相精緻，可以一次過試哂咁多款時季海鮮！有伊勢海老羊羹、鮑魚刺身、季節沙律 、月見手工燒鳥軟骨棒、喜多嬉牡蠣茶漬飯、炭燒活鳗、涼拌秋葵、雲丹松葉蟹配海膽，大家記住順次序食先，由淡至濃，先可以食哂啲鮮味。👍🏻喜多嬉生蠔/焗蠔🦪蒜味焗帆立貝日本直送嘅生蠔‼️好新鮮，爽口彈牙，而且隻隻都又厚又肥😋😋焗蠔加咗蒜香，更加帶出鮮甜味，入口重多汁！任食串燒六款：雞腿肉、豬頭肉、雞心、七里香、茄子、日本蕃薯仔🤩🤩松葉蟹五島手延烏冬🦀甜品係白桃雪葩，清甜解膩！士多啤梨梳打&埋檸檬梳打🍹飲品都係仼飲，有汽水同梳打！