小茶角 (啟豐商場) (已結業)

呢間隱世小店係屯門碼頭，最出名就係牛角包+漢堡材料！如果堂食仲可以望住海景呢！不過因為之前疫情關係，所以就點咗外賣～-牛魔王$62牛角包烤得好酥脆帶香，美國牛肉好juicy，幾重牛味，加上芝士、滑蛋、磨菇，令到口感同層次豐富！生菜同蕃茄都好新鮮～-另外跟包嗌杯飲品，會再送一個小食！我點咗杯芝士奶蓋四季春($25)，味道唔錯，即使係凍飲，茶味都算濃。而且奶蓋都幾厚實，芝士味香濃，就算我擺到最後飲，個奶蓋都無乜溶到，算幾出色！比連鎖手搖飲品店更好味！-小食就點咗薯角，大概十四塊左右，炸得幾外脆內軟，都不錯～