106
0
0
電話號碼
57260927
營業時間
今日營業
11:00 - 19:00
星期一至五
11:00 - 19:00
星期六至日
10:00 - 21:00
付款方式
Visa Master AlipayHK 現金 八達通 AE Apple Pay Google Pay 微信支付
其他資料
Wi-Fi
酒精飲品
自帶酒水
外賣服務 詳細介紹
加一服務費
食評 (115)
等級4 2020-06-01
22 瀏覽
話說雖然住大西北,但都係第一次黎屯門碼頭🙊黃店💛小茶角就正正係呢邊,小店食牛角包同手調飲品為主,飲品選擇比想像中多,但位置唔多,大概有10-12個位,仲有一排座嘅可以望到海,一邊望住個海,一邊食牛角包,諗起都覺得chill😊◾️牛魔王 • $62配料有美國牛肉漢堡、蛋、蘑菇、芝士、蕃茄、生菜,同平時食開嘅漢堡飽配料相似,咁豐富嘅材料一口咬落完全唔dry, 我覺得同超滑嘅炒蛋好大關係,令到成個口感都juicy!!!牛角包充滿牛油香,再配上另外調教過甜甜地嘅千島醬,令人喜出望外🤤◾️煙三文牛 • $51配料有煙三文魚、蕃茄、生菜,牛角包🥐好鬆軟,有一大塊鮮香嘅煙三文魚,輕食之選👍◾️單骨雞翼 • $29仲以為得4-5件,食食下原來有10件咁多!單骨雞翼食落好方便🤩雞翼有孜然粉調味過,十分惹味!炸粉唔厚外皮炸得鬆化,入面保留肉汁,令人想一食再食🤤◾️水炮車 • $33呢個係唔會傷害人嘅藍色水嘅梳打!同啲文宣一齊影真係別有一番風味!◾️白桃貴妃烏龍茶 $21整體感覺好清新,白桃嘅味道都冇蓋過烏龍茶嘅味,果肉亦非常多😜個人推薦呢款飲品😍 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-14
501 瀏覽
放假的節奏, 特別悠閒, 和朋友去屯門碼頭逛逛, 吹吹海風。曾經在這裡有難忘的回憶, 深深的記住, 然而這時候都該放低了。在某處另一個你留下了, 在那裡另一個我微笑著。踏入啟豐商場, 很多特色的小店, 吃的東西不像大商場的餐廳般款式沉悶, 今天我們揀了支持同路人, 黃色小店小茶角。ORDER了食物後就耐心等候, 都是即叫即製的, 保証新鮮。芝士奶蓋烏龍茶$22足夠濃稠濃香的芝士奶蓋, 沿杯蓋啜來飲, 由頭到尾都還有芝士層, 份量足夠。而烏龍茶叫了少甜, 也還比較甜, 下次叫半糖50%就好了。清新的烏龍茶和奶蓋很配合。屯門牛$45不愛吃肉的我, 就不選牛肉漢堡, 揀了屯門牛, 這包括蛋、蘑菇、芝士、煙肉、蕃茄, 首先牛角包夠脆又有層次, 非一般漢堡包感覺, 立即提升了, 蛋煎得香滑, 配上清新爽脆的生菜和蕃茄, 減輕煙肉和牛角包的油膩, 加上芝士醬汁, 很惹味又令人滿足。叫了牛角包和飲品, 還送薯條/薯角/沙律, 我選了薯角, 新鮮炸起, 滿有薯香, 細心附了茄汁。牛油果沙律$45叫了一個沙律補充纖維, 爽脆的沙律菜, 加上少量黑醋調味, 而牛果油新鮮又多, 健康滿分。餐廳內播著熱血和有共鳴的歌曲, 吃得特別舒適暢快。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-09
339 瀏覽
生於這一個年代沒有無緣無故的愛到處都佈滿了迫害~🎶好啦,我就唱到呢度, 今日過咗嚟屯門碼頭諗近海岸嘅呢一個商場食肆地舖,仲有啲睇到露天嘅茶座,睇落去心曠神怡,特別令人覺得舒服,不過就可惜呢間舖頭人數比較多,我都扮唔到呢一啲位,於是就坐咗係近收銀櫃呢一個位,不過都幾多嘢睇㗎,看到近年來嘅香港運動有血有淚,都不禁唱起呢一首歌,舖頭入邊亦有一幅好大嘅連儂牆,有玻璃都比佢哋貼晒各類嘅文宣,我可以講呢間係屬於我哋香港人嘅小店!由於真係一間小店,佢嘅主打牛角包都好快會賣晒,所以想食嘅人建議大家中午嘅時候就過嚟食啦!已好出名嘅牛魔王今日都已經一早賣晒囉!唯有試吓其他啦!於是我就叫咗兩個餐,一個係屯門牛,另一個即係煙三文牛,仲叫咗兩個飲品,包括係草莓奶茶同埋芝士奶蓋綠茶,並且套餐仲送咗兩個炸薯條同炸薯角,當然我亦都叫咗兩份呢一度最有名嘅單骨雞翼啦!話咁快就嚟咗兩杯嘢飲,先講吓杯草莓牛奶,佢係草莓味好香,可能係因為呢排草莓當做啦,草莓嘅果肉都非常之多,配上香濃嘅牛奶飲落真係非常之高級!話咁快就嚟咗兩杯嘢飲,先講下杯草莓牛奶,呢個草莓味好香,可能係因為呢排草莓當做啦,草莓嘅果肉都非常之多,配上興隆嘅牛奶飲囉真係非常之高級!而呢一杯芝士奶蓋綠茶我覺得綠茶嘅味道都係唔錯,不過奶蓋嘅味道我覺得真係比起一啲大型嘅飲品店就爭左啲味,包括唔夠芝士嘅濃烈味道同埋唔夠潔身,希望佢哋可以改善一下啦!呢一個單骨雞翼佢真係揸得好香脆,裏面仲保留好多雞汁,識落非常之過癮!亦冇冰鮮嘅雪藏味!值得讚賞!再來就係主打嘅牛角包,佢嘅牛角包看得好香脆,亦都熱辣辣,裏面嘅三文魚好新鮮,加上龍龍嘅芝士味,食落非常之有口感!配上新鮮嘅雪糕同埋薯條,真係有一番歐陸風情嘅意識! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-30
159 瀏覽
趁住五一假期連放四日同fd一齊係屯門碼頭搭船去大澳玩,上船前想食個brunch chill下。沿途睇到好多間茶記都係食啲蛋蛋腸腸公仔面,冇乜特別。行下行下甘岩搵到呢間小茶角🥐🥐,睇佢舖位細細其實入面都坐到14個人。間舖都好旺,keep住有人等位。我心諗:間野甘多人等野食應該唔差得去邊,一於就食呢間啦!⭐️屯門牛首先個名真係好貼地😂😂啲人成日話屯門有牛今次真係有牛,不過係牛角包🥐一上菜睇到賣相已經好吸引,用Muji風嘅木板裝住用黎打卡一流。呢個屯門牛用烘過嘅牛角面包包住煙肉,炒蛋,蘑菇材料豐富。食落肉味好濃,蘑菇係撈左醬汁炒過嘅,口感好有層次!⭐️海牛牛角包配合吞拿魚粟米餡,一上碟牛角包用紙包住,食既時候唔洗整污糟隻手,非常窩心!牛角包烘過,咬落有點脆,有點微暖,再配合凍既吞拿魚,一冷一熱,口感唔錯!再配合新鮮炸起既薯角,薯角灑上少少鹽再配合蕃茄醬,一啖一件,好好味呀! ⭐️白桃貴妃烏龍 中杯我地order 左少甜同走冰。一黎既時候,我覺得好大杯仲驚飲唔曬。野飲加上蘆薈粒,當我攪拌後一飲啖啖蘆薈,飲料茶味濃但又唔會搶走白桃味! 飲完一啖再接一啖!喱間餐廳有一邊面向碼頭,可以邊望海邊享受食物,好適合同朋友傾下計,或者自己chill下都唔錯架!繼續支持小店💛💛 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-27
849 瀏覽
每次看著大海便自覺渺小,細小的我在那一瞬間彷彿就只剩下眼前的事物,是折射著光線閃耀的大海與放在枱上光滑表面的牛角包假日到了屯門碼頭走走呼吸新鮮空氣,沿著海邊一直慢走看到一間甚為寫意的咖啡店,邊看著大海邊享用午膳也是渡過一個下午的好選擇,便吸引我進內光顧原來鋪面非常細小,內裡大約只有11個座位,其中只有3個座位面向岸邊,亦快快有人坐下享受他們的午餐了~雖然不能抬頭看海,但麻煩少許轉個頭也能看到那遍大海,感受到那遍悠然感小店主售牛角包,共有8款牛角包供選擇,款款各有特色及主題,而飲品涵蓋之種類範圍亦比想像中多,有台式奶茶、芝士奶蓋、醇茶、養生、特調及打卡系列,確實令人花多眼亂。三心兩意的我難得一場到來,決定牛角包、飲品及小食均點選試試喜愛烏龍茶作奶茶茶底因為烏龍茶較紅茶濃郁,與牛奶混合後突出茶香,喜愛走甜少冰的我更能嚐到其甘香與清新解渴感,大大杯食完整頓飯也喝不完正當卻步用手檢起雞翼之時,便看到旁邊擺放著一樽搓手液供使用,在疫症時期搓一搓雙手才開動安心得多~以完整雞中翼(雙骨)計算,籃內大約共有5-6隻雞翼,剛炸起熱烘烘的雞翼外皮薄身炸至酥脆,乾身油膩感甚低,只略嫌缺乏肉汁及水份。帶有輕微孜然粉香,沾上旁邊帶有蟹籽的沙律醬變得更惹味、更有口感及更順滑看到表面光滑的牛角包不禁垂涎三尺,套餐附有薯條及蕃茄醬,牛角包內藏美國牛肉漢堡、蛋、蘑菇、芝士及蕃茄。牛肉漢堡調味或醃料不多,能清晰嚐出牛肉鮮味,溶化中的芝士為牛肉漢堡增添味道,肉質軟硬適中,咬後免治肉粒不曾鬆散,雖然肉汁豐富程度尚可,幸得半熟炒蛋及新鮮蕃茄汁補充濕潤度,令整體濕度得以上升。帶甜牛角包與帶鹹餡料中和減低飽肚感,其軟薄質感比起普通麵包之實在感來得更輕型。旁邊薯條是最愛的波浪紋,粗薯突出薯味,沒有太多鹽份靠蕃汁醬提味。假日就在這裡渡過了一個悠閑的下午,看著大海,吃著豐富美味的牛角包,突然間又想起近來疫情嚴峻,渺小得很的我低頭看著手中牛角包,現況只能活在當下,享受片刻寧靜,然後快快回家~ 繼續閱讀
(以上食評乃用戶個人意見 , 並不代表OpenRice之觀點。)