安平燒肉

營業中

休息中

燒肉食開都離不開日式韓式，有朋友話荃灣有間燒肉係主打台式燒肉，於是膽粗粗就一齊試下。我地就揀左個最多食物種類『澳洲M5和牛120分鐘吃到飽套餐』，其實要知D肉靚唔靚，基本上就係塊肉無醃過之下，燒完之後直接食，食的就係個肉鮮味同肉質，估唔到套餐提供澳洲M5和牛、安格斯牛小排真係高質，基本上燒完之後唔駛加醬汁，就咁食已經可以食到個滿口肉汁同肉質鮮嫩的口感。除左燒肉之外，套餐可以選擇的海鮮種類都有唔少選擇，有生蠔、青口、虎蝦、魚腹、蜆等，當然都係燒唔停手，食唔停口。除左以上燒物之外，更加一提係佢提供的台灣地道小食，以為因為主打燒肉，點知小食食落都有驚喜，極力推介鴨舌、炸蚵卷、手工伴面。最後仲有甜品，梗係揀左安平仙草芋圓，可以話係大滿足的一日。