麻神麻辣火鍋 (已結業)

之前有間台灣過江龍麻辣火鍋進駐銅鑼灣，麻神麻辣火鍋呢個名大家應該都唔陌生。lunchtime唔想食麻辣火鍋，都一樣可以去麻神，因為佢哋嘅牛肉麵一樣咁出色。牛肉麵有紅燒及麻辣兩種湯底選擇，不過當日就只有麻辣一款，店員話紅燒湯底仲未預備好呢～麻辣湯底除咗有辣醬同香料嘅香味外，仲有淡淡嘅水果甜味，所以並唔係一味得個辣字。唔識得太辣嘅都唔使驚，只係小辣嘅程度，加上富濃郁的麻香及藥材香，絕對可以一試。牛肉為軟腍可口的面頰肉，仲有牛筋腩同牛柏葉，滿足晒想試唔同部位嘅好奇心。麵條同外邊一般嘅麵底唔同，反而選用粗而扁身嘅台式刀削麵，甚有咬口。雖然份量唔大，但係因為麵條厚實，充滿飽足感。