162
7
12
港鐵銅鑼灣站 B 出口, 步行約3分鐘 繼續閱讀
所有分店 (1)
電話號碼
23410999
付款方式
Visa Master 支付寶 現金 AE 銀聯 微信支付
其他資料
網上訂座
賞訂座積分
有關獎賞計劃
食評 (200)
等級4 2019-10-07
3212 瀏覽
麻神登錄香港應該都已經有一段時間,有年半沒有來過,原因係香港太多火鍋了,再訪,一定要找個適合的原因,人物和時間。之前來過三次,有一次更加和公司同事搞event,三次經驗都非常好,那口迷人的鴨血,是想起也會呑口水的。今年12月台灣準備米芝蓮飲食之旅,其中一個地點目標就係麻神,當然吃的不是普通火鍋店,而是麻神私人招待所。暫時未知約唔約到,但為咗準備下睇下到時食乜好,心想不如在香港來番個麻辣聚都好,碰巧聽說這裏有新menu,那麼來吃番餐就最好。麻辣湯底當然少不了,也不用多介紹,不過香港方面多咗個花膠雞鍋,麻辣拼花膠雞鍋是當晚選擇,平時都一定會飲碗麻辣湯先,但今晚店方推介花膠雞湯,我也覺得奇怪,如果仲搶鏡過麻辣湯,應該都唔係小野。放低半分鐘,都已經有一層膠質係面,飲落去,那種甜那種足料那種堅,是不能言喻。第二樣要食嘅當然係鴨血,不過太耐冇食,不顧儀態唔用刀叉了,那種滑和軟綿綿,還有嗰種台灣獨有的鴨血才有的香,最是迷人。然後當然係食佢哋最出名嘅美國頂級牛小排,當然還有員工幫你處理不同食法。另外特選牛頸脊絕對係另一首選,牛味濃而且非常大片,雪花漂亮而均勻,吃幾塊都唔會夠喉。雪花一口牛相對冇咁精彩,不過都牛味十足,只不過太細粒。菜方面,點可以唔食台灣嘅水蓮菜,唔會好似其他台灣火鍋咁,話係台灣火鍋店,又話點樣台灣直送,但永遠無水蓮,當然都唔會唔叫仲有冰菜。這類的丸類和滑類相比起來,個人覺得後者精彩得多,當晚喺度叫的墨魚滑和蝦滑,水準都非常之高,全部都鮮味十足。之前未試過喺度叫海鮮,今晚多人所以食多幾種海鮮,其中一個好正嘅就係南非孔雀鮑魚。好大隻而且不用太多時間就可以吃得了,爽口是基本,而且外面反而少見這種鮑魚,相對幾抵食。另外也叫了蘇格蘭的蟶子皇,幾秒後,鮮甜已經可以放入口。朋友說不可錯過西班牙伊比利亞黑毛豬梅花,吃過後就知道,黑毛豬個種香,不是申洲出品可以比較的。另外兩種又係台灣才有嘅特色,原味蛋餃和牛肉蛋餃,各有千秋,我個人還是鍾意蛋餃,絕對是台灣的原汁原味。當然少不了炸響鈴,香港嘅打邊爐點少得呢個主角。最後要講嘅當然係科學王子麵,同樣要由店員處理,將脆脆的科學王子麵,係你面前用個碗嚟用熱湯煮,加上蔥花和辣油,脆脆的一塊,是你少有吃到的打邊爐經驗。我諗我真係太長氣,講咗咁耐其實都未講到重點,話說今晚來吃麻神係因為有個新主題,你會奇怪火鍋店食嘢都有主題?無錯,仲要都幾精彩,絕對好介紹,有興趣想知嘅話等我下集。麻神麻辣火鍋  銅鑼灣登龍街1-29號金朝陽中心2期Midtown 25樓 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-23
166 瀏覽
難得齊人一齊食飯,朋友極力推介麻神一班朋友最適合打邊爐,今次我哋一行七人,叫咗兩個鴛鴦湯底一個係唔辣嘅雞湯而另一個係麻辣湯底,店員叫我地湯底滾左之後每人先飲一碗雞湯!果然冇介紹錯湯底非常濃郁趁湯底未落肉之前我哋先落冰菜先!冰菜平時喺市面並唔容易搵到,見到菜單裏面有當然要點左先另外當然唔少得雪花肥牛,呢個都冇得輸!入口即溶我哋重點左酒浸雞子,個人覺得好普通食落口亦都冇酒味因為有朋友唔食牛肉所以點咗個豬拼盤,裏面有豚肉,粉腸,同埋豬潤,豚肉非常新鮮而內臟亦都唔錯牛骨髓朋友極力推介,我之前從來未食過牛骨髓感覺好得意同湯底亦都好夾鴨血果凍係麻必食之一,果然冇失望!台式火鍋一般都有鴨血但係麻神做得非常出色入口有非常Q旦感覺,其實點左麻辣湯底每人都會有一份鴨血果凍而且一舊鴨血份量比正常大,但因為太好食嘅關係我哋另外點多咗一份另外我地點左一些海鮮,炸芋頭,炸魚皮, a菜總括來講真係好好食,再加上環境亦都適合一班朋友聚餐最後原來9:30後有七折,我哋食左咁多野每人都係大約$500,食物質素來講算係非常高質嘅火鍋 繼續閱讀
(以上食評乃用戶個人意見 , 並不代表OpenRice之觀點。)
等級3 2020-01-05
485 瀏覽
Lunch 經過見到$59有一人一煱打邊爐,見咁抵食緊要試下,原來$59係包一個麵,湯底,同埋3個餸,即係其實係車仔麵,但以打邊爐黎講都真係幾抵。推介麻辣湯底,雖然唔夠辣但好味道,粉麵公仔麵,烏冬,薯粉,米線,我就左薯粉因為最夾麻辣湯。餸有好多款,我揀左白蘿蔔,炸魚角頭,同埋芥末丸。除左芥末丸之外其他兩個餸我都好滿意,份量亦足夠,佢有牛肉雞肉豬肉但我唔想食太多肉所以留返俾其他人叫算。好味道,抵食,好坐,過癮,仲有杯野飲,加埋一都唔洗$70,仲想點? 繼續閱讀
(以上食評乃用戶個人意見 , 並不代表OpenRice之觀點。)
等級2 2019-12-21
571 瀏覽
開左一排,而家先有機會黎食到由台灣進駐,鼎鼎大名既麻神(God of 麻辣),麻神既食材出名高質高檔同麻而不辣,好多明星都係捧場家人怕辣今次齋試花膠湯底先,個鍋一到有少少嚇親,肉眼都睇得出好足料既花膠湯,用黎打邊爐夠晒串野食到前飲下湯先,一飲就停唔到飲左幾碗已經半飽,仲有大大舊煲湯果d花膠比你食,refill係加花膠湯比你,除左基本調味料之外,仲有黑醋,係個盤搬黎搬去果陣唔好係穩陣咁果凍鴨血,未食過以為同豬紅無分別,可以有咩咁出名呢?仲要用刀叉食咁型原來真係幾好食  好入味有口感,不過食得多應該會好快飽叫左個海鮮拼盤同蠔,擺設有襯花滿天星果然聞如其名,海鮮係非常新鮮,如果有6星我會比記得第一啖咬落隻海蝦既感覺係,哇!咁好食既!話晒都半個打邊爐達人,未食過d蝦可以咁彈牙咁鮮甜,所以之後決定追加多客蝦,實在太好味!仲有蠔大大件,大蜆,鮑魚同帶子,可能配埋花膠湯底既關係,總之全陪都好鬼鮮好鬼正,2個人唔係食到好多野,又唔食牛,但打邊爐又點可以無肉!點左個黑毛豬梅花,淨係睇個樣已經非一般既豬肉肉味濃無得頂好少地方有得食冰菜,如果未食過記得試下(我都係第一次食),表面一粒粒好似水珠咁幾得意,淥一陣就食得,本身偏咸,爽口,唔鍾意食菜既我都鍾意食美麗既誤會,追加既海蝦,我地以為係拼盤果種,不過都好好食,肉質比較實,啖啖肉有食龍蝦既感覺,look at the color,上枱全部都仲生auau (阿彌陀佛)叫左杯特飲有爆珠打邊爐飲口感過癮,麻神出面有個空中花園,食飽可以叫杯野飲出去慢慢坐,傾計一流,仲有夜景每樣野都好味到無得留低,如果計食物質素配咁既價錢,其實係值,一分錢一分貨,食到尾聲已經傾緊下次幾時再黎食過,古語有云繞樑3日,今日有繞牙3日既滿足 價錢 :$$$$食物: 食過就知幾好食服務: staff好nice好主動介紹 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-20
452 瀏覽
4/5麻辣湯底超正,花膠雞湯都好飲。Soup is really good here.鴨血真係好食,入哂味,又滑又嫩。其他食材就正常普通。Duck blood is really nice, tender soft. Other food are just okay.#instafood #吃貨 #吃貨人生 #美食 #vancouver #vancity #yvr #yvreats #vancouvereats #vancouverfoodie #yvrfoodie #yvrfood #溫哥華 #溫哥華美食 #foodporn #queenbeoly #hkfood #queenbeoly_middine 繼續閱讀
(以上食評乃用戶個人意見 , 並不代表OpenRice之觀點。)