古琴雅苑 (太子集團中心)

營業中

休息中

其實之前都去過古琴雅苑食片皮鴨，但係真係好掛住個味道所以今次再嚟多次食。今次係黎食個lunch，叫咗古琴酒糟烤北京填鴨半隻、意大利黑醋骨、同埋蟹粉撈麵。其實今次係第一次叫酒糟烤北京填鴨，開頭食落去因為連埋捲餅同埋醬料，青瓜等等嘅配料夾住一齊食，冇乜大分別。但後尾就咁夾塊鴨食就食得出有少少酒香味，甜甜地咁。今次最想推介嘅係意大利黑醋骨，甜甜酸酸個黑醋汁令到個人好開胃。蟹粉撈麵就完全食得出個蟹嘅鮮味，個蟹粉好豐富而且有蟹肉喺入面。如果鍾意食蟹又或者蟹粉嘅朋友，絕對值得一試。