影片
更多
2019-10-19
142 瀏覽
本身約左舊同事去打邊爐，不過佢地話想轉食燒肉，所以就改左去厚福街呢間食啦。之前已經有食過，不過唔係成日黎呢邊食lunch。佢有4個唔同價錢既set，按肉質去分，每個set有包麵豉湯，白飯，果汁或汽水，同埋哈根大師雪糕。不過我地一向都叫89蚊最便宜既set哈哈。望落似係兩款唔同既肉，右邊既油花比較少，但係佢唔會因為咁而鞋口喎！燒完一啲都唔鞋口，仲好濃肉味，好食！左邊既油花就比較多，就咁睇都知實好食啦！燒完好軟身，牛油味又香，無得彈！！係呢間到食燒肉既話，我就完全唔會點燒肉醬既，因為佢既牛肉本身已經好食，燒完再點醬汁會蓋過佢本身既肉味呀！飲品既話有果汁同罐裝汽水揀，哈根大師可以揀既味就比較普通，只有雲尼拿，士多啤梨，朱古力同曲奇，不過89蚊真係算係咁啦！如果要飲酒精類飲品既朋友就要另外再單點啦！但係水果味汽酒就唔建議點，飲過兩次，麻麻地～而且抽油煙方面做得麻麻，食完都幾大陣味，而且好似冷氣唔夠強，熱住黎燒肉～
佢有4個唔同價錢既set，按肉質去分，每個set有包麵豉湯，白飯，果汁或汽水，同埋哈根大師雪糕。不過我地一向都叫89蚊最便宜既set哈哈。
望落似係兩款唔同既肉，右邊既油花比較少，但係佢唔會因為咁而鞋口喎！燒完一啲都唔鞋口，仲好濃肉味，好食！左邊既油花就比較多，就咁睇都知實好食啦！燒完好軟身，牛油味又香，無得彈！！係呢間到食燒肉既話，我就完全唔會點燒肉醬既，因為佢既牛肉本身已經好食，燒完再點醬汁會蓋過佢本身既肉味呀！
飲品既話有果汁同罐裝汽水揀，哈根大師可以揀既味就比較普通，只有雲尼拿，士多啤梨，朱古力同曲奇，不過89蚊真係算係咁啦！如果要飲酒精類飲品既朋友就要另外再單點啦！但係水果味汽酒就唔建議點，飲過兩次，麻麻地～
而且抽油煙方面做得麻麻，食完都幾大陣味，而且好似冷氣唔夠強，熱住黎燒肉～
張貼
