和牛燒肉一郎 (新都城中心二期) (已結業)

最近發現新都城新開左一間燒肉店，平時燒肉多數會諗起牛角，所以今次就試吓一郎既燒肉。因為第一次食所以就揀個最平而又有牛肉既餐 - A餐平日298/位，任食100分鐘。如果唔食牛亦都可以揀 - outlet special平日198/位任食100分鐘 ，可以任食雞肉🐓和豬肉🐖。A 餐牛類🐂有11種、雞類🐓3種、海鮮類🐠4種、野菜🌱10種、其他36種類。一開始會送一個頭盤，盤會有乾冰放底🧊，有啲夢幻嘅感覺。🥩咁多種牛肉，印象最深刻係牛外橫膈膜，肉質好軟，肉味濃郁，亦都有口感😍。牛肋肉啖啖肉汁，燒完唔會變到乾柴咁☺️🍹另外佢亦都有啲特色飲品，青瓜奇異果綠茶、柑桔美人水等等。配肉食都幾配合😏。🍦甜品方面就有大量日本雪條俾你揀，所以可以順便食埋日本特色雪條。餐廳其實都好細心，因為大多數人肉類都會一次過嗌好多種，當嚟到嗰時候就會唔知究竟嗰隻肉係咩肉或者係咩部位，所以肉上面都加有標籤話俾你聽佢到底係咩肉。想再點一次想食既肉就唔使驚嗌錯😌。