憶食尚臘味煲仔飯

營業中

休息中

憶尚食一家人嚟到佐敦區搵食，阿媽話呢間嘅煲仔飯比較出名，所以一致認同揀呢間餐廳。入到去餐廳，格局比起一般中式酒樓，或者中式餐廳嘅設計更加華麗，完全唔似食煲仔飯嘅地方，店員安排咗我哋坐喺一樓，避開嘈吵，俾我哋一家人靜靜地咁樣食飯。醉鴨舌呢個係前菜，係凍嘅醉鴨舌，有少少酒香，而且每個鴨舌都好入味。鮮椰子雞鍋十分足料嘅一個鍋，入面有椰子，雞肉，粟米，我哋每人都飲咗兩碗，個湯有粟米嘅香甜，同埋椰子嘅味道。紅燒大海蝦分量比想像中多，而且啲蝦啖啖肉，個頭勁大，啲蝦膏真係正到飛起，屋企人最鍾意食海鮮，今次冇揀錯餐廳啦，而且個汁都整得好好👍🏻廣東臘味煲仔飯呢個就係全晚嘅主角，唔好睇小一個小小嘅煲仔飯，其實佢份量一啲都唔少，而且啲料亦都好足，有臘腸、臘肉同板鴨，而且切得好均勻，而且翻一翻，就見到我最愛嘅飯焦，忍唔住食咗兩大碗。